Login to your account

Username *
Password *
Remember Me

Tinan 2022, Governu Korea Kontinua Oferese Farda Taekwondo 500 ba F-FDTL

Embaixadór iha TL, Kim Jeong Ho entrega hela material Taekwondo ba Xefe Estadu Maior Jenerál, Forsa Defeza Timor-Leste (F-FDTL), Tenente Jenerál Lere Anan Timur. Embaixadór iha TL, Kim Jeong Ho entrega hela material Taekwondo ba Xefe Estadu Maior Jenerál, Forsa Defeza Timor-Leste (F-FDTL), Tenente Jenerál Lere Anan Timur. Foto Tempo Timor

Tempotimor (Dili)-Governu Korea liuhusi Embaixadór iha TL, Kim Jeong Ho deklara, tinan 2022 sei oferese farda treinu Taekwondo nia hamutuk par atuslima (500) ba FALINTIL-Forsa Defeza Timor-Leste (F-FDTL) hodi hasae abilidade iha desportu Taekwondo.

"Sim tinan oin Governu Korea Súl sei apoia tán farda ba treinu nian ho pár hamutuk 500 ba Komandu F-FDTL no sei oferese direta ba membru sira atu hasa’e abilidade iha desportu Taekwondo”, dehan Kim Jeon Ho bainhira oferese ekipamentu treinu nia ba F-FDTL iha Kuartel Jenerál Fatuhada, kinta (16/12).

Tuir planu farda hirak ne'e sei ofere iha fulan dahuluk (awal bulan) tinan 2022 nia.

Xefe Estadu Maior Jenerál, Forsa Defeza Timor-Leste (F-FDTL), Tenente Jenerál Lere Anan Timur deklara, komandu F-FDTL hakarak integra desportu Taekwondo iha instituisaun F-FDTL, tanba Taekwondo nu’udár desportu ida ne’ebé hatudu nia karater neutru no ho profisionál

Nune'e agradese ba Governu Korea tanba bele apoiu nafatin Timor-Leste liliu iha Institutuisaun F-FDTL nia.

"Momentu ne’ebá ne’e, ami husu sira maka fó treinu Taekwondo no ami opta ida-ne’e, kerdizér buat-ne’e hanesan ita bele dehan katak, la’ós planeadu ida, mas di’ak ne’e tanba Taekwondo hanesan ohin dehan, Arte Marsiál ida ne’ebé neutru tebes, profisionál iha nível internasionál, nune'e ami agradese tebes ba sira-nia apoiu sira, liliu apoiu farda ne'ebé mós sei oferese tan iha tinan oin”, dehan nia. (*)

Rate this item
(1 Vote)
Last modified on Friday, 17 December 2021 11:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter