Login to your account

Username *
Password *
Remember Me

Governu Korea Oferese Ekipamentu Taekwondo ba F-FDTL

Xefe Estadu Maior Jenerál, Forsa Defeza Timor-Leste (F-FDTL), Tenente Jenerál Lere Anan Timur, simu hela ekipamentu husi Embaixadór Korea, Kim Jeon Ho, iha Kuartel Jeneral Fatuhada, kinta (16/12). Xefe Estadu Maior Jenerál, Forsa Defeza Timor-Leste (F-FDTL), Tenente Jenerál Lere Anan Timur, simu hela ekipamentu husi Embaixadór Korea, Kim Jeon Ho, iha Kuartel Jeneral Fatuhada, kinta (16/12). Foto Tempo Timor

Tempotimor (Dili)-Governu Korea liuhusi Embaixada iha Timor-Leste (TL) oferese ekipamentu taekwondo nia ba institutuisaun FALINTIL-Forsa defeza Timor-Leste (F-FDTL).

Xefe Estadu Maior Jenerál, Forsa Defeza Timor-Leste (F-FDTL) tenente Jenerál Lere Anan Timur, agradese tebes ba apoiu husi Governu Korea nia ne'ebé atu fasilita F-FDTL sira bainhira treinu. 

"Ohin Governu Korea mai entrega tan ekipamentu taekwondo nia mai ita-nia Institutuisaun F-FDTL, e ita agradese ba sira, tanba sira oferese ekipamentu mai ita hodi fasilita ita-nia F-FDTL atu treinu taekwondo, e nomós ita agradese ba Governu sira seluk ne'ebé iha kooperasaun di'ak ho ita”, dehan Tenete Jenerál Lere, iha Kuartel Jerál Fatuhada, kinta (16/12).

Maibé agradese ba Governu seluk nia apoiu, no husu mós ba Governu Timor-Leste atu tau matan no kria kondisaun di'ak ba Institutuisaun F-FDTL, tanba tane liman beibeik mós liman sei kolen iha loron ida.

"Maske ita agradese maibé keta tane liman beibeik, ita mós la'o ita-nia ain rasik porque ita lolo liman beibeik mós ita-nia liman sai kolen, e ema mak tau liman ba ita-nia leten mós loron ida sei kolen, ne'e mak di'ak liu ita agradese ba sira ne'ebé fó apoiu ba ita maibé ita mós labele haluha katak, ita Timor nu'udar nasaun ida soberania independente ita tenke la'o ita-nia ain rasik, ita-nia Governu tenke kria kondisaun ba F-FDTL hanesan mós Institutuisaun sira seluk”, afirma nia.

Tanba nu'udar Komadante forsa armada preokupasaun liu mak ba profesionalizmu, kredibilidade forsa armada ninia tanba ne'e presiza iha kondisaun ne'ebé di'ak

Embaixadór Korea  iha Timor-Leste, Kim Jeon Ho deklara, apoiu ida ne'e la'ós buat boot ida maibé ne'e nu'udar ekipamentu natoon ne'ebé bele ajuda F-FDTL sira treinu taekwondo ho di'ak 

"Bainhira ha'u ba vizita iha Metinaro, ha'u hare e, ha'u-nia fuan moras los bainhira F-FDTL sira treinu, tanba sira-nia ekipamentu natoon tebes, ho nune'e iha inisiativa hakarak oferese ekipamentu sira ne'e hodi apoia sira wainhira treinu taekwondo”, dehan nia.

Aleinde ekipamentu Governu Korea mós oferese nia ema hodi fó treinu ba F-FDTL iha Metinaru.

Entretantu ekipamentu taekwondo nia ne'ebé oferese husi Governu Korea mak hanesan, ekipamentu tahan tebe, tahan tuku, no matrix tau iha rai ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter