“Iha orientasaun husi PM, klaru ke PM husu atu nune'e konfederasaun desportu Timor-Leste iha planu no Estratejia ida que di'ak atu nune'e lori prestasaun ida que di'ak ba dezenvolvimentu desportu iha Timor-Leste”, dehan Prezidente KDTL Macario, iha Rezidensia Ofisiál PM, Farol, tersa (07/06).

Aleinde ne’e, husu atu konfederasaun desportu Timor-Leste diskute beibeik ho Sekretáriu Estadu Joventude no Desportu (SEJD) atubele hadi’a buat ne'ebé mak presiza hadi’a, nune'e lori prestasaun ida que di'ak mai iha Timor-Leste.

Tanba ne’e, Timor-Leste orgullu ba joven feto no mane sira ne'ebé iha kualidade di'ak atu presta iha kampionatu nasionál no rejionál sira.

Iha enkontru ne’e, KDTL mós deklara sei halo enkontru kortejia ho líder nasionál sira ne'ebé iha influénsia ba dezenvolvimentu desportu atubele lori dezenvolve deportu ba futuru.

“Depois de ami hetan tomada de Posse iha períodu ida ne'e, ami deklara katak ami sei halo enkontru kortejia ho líder nasionál sira, no ba ema sira ne'ebé iha influénsia ba dezenvolvimentu desportu ne'e, tanba ne'e mak iha biban ida ohin ne'e ami partilla informasaun hirak ne'e ba PM inklui dezenvolvimentu Desportu iha Timor-Leste”, deha nia.

Ba aprezentasaun ne’e, PM Taur kontente, maske Timor-Leste iha fasilidade no rekursu limitadu maibé ba prosesu balun konkretiza bele lori Bandeira Timor-Leste semo iha rai seluk, hanesan rezultadu ida ne'ebé prova tiha ona.

“Tanba ne'e mak ami fahe oinsá atu mellora tan fali i husu ba Governu para bele investe tan ba dezenvolvimentu Desportu iha Timor-Leste”, afirma nia. (*)