"Ha’u nia parabens ba prezidente FFTL, tanba ne’e hanesan oportunidade di’ak ida ba Timoroan sira, tanba ita Timoroan ida hanesan Prezidente FFTL mak hola parte iha estrutura AFF", nia dehann iha kna’ar fatin SEJD, segunda (15/11).
Tanba, ne’e hanesan ingeizamentu rezional ka internasional nian atu bele lori dezenvolvementu futebol Timor-Leste no hatudu katak rai sira seluk fo mós fiar ba Timor-Leste liu husi FFTL.
Federasaun Futebol Ázia hala'o kongresu extraoridináriu hodi hili estrutura foun AFF ba tinan 2022 to’o 2026, ne’ebé realiza iha Cambodia iha loron 14 fulan 2022.
"Parabens ba Prezidente Federasaun Futebol Timor-Leste, hein katak ho kna’ar ne'ebé iha bele dezempeña di'ak liu tan, bele aproveitu buat ruma mai Timor-Leste, liu-liu ba sira ne’ebé hadomi futebol", nia afirma.
Entretantu Prezidente Asosiasaun Futebol Munisípiu Ermera, Lomelimo Salsinha, sente orgullu ho novidade ida ne'e, tanba bele hamutuk ho nasaun sira viziñu atu dezenvolve futebol ba futuru.
"Ha’u lori estrutura tomak Asosiasaun Futebol Munisípiu Ermera no mos klubu hotu ne’ebé iha Munisípiu Ermera hato’o ami nia parabens orgullu boot eh novidade di’ak ba Timor-Leste", nia orgullu.
Tanba, futebol dadaun iha Timor-Leste so iha Munisípiu mak la’o, maibé iha Dili seidauk, espera ho noemesaun ne’e bele mos promove futebol iha Timor-Leste, iha nivel internasional no mos reativa fali liga ne’ebé antes hala’o ona iha Timor-Leste. (*)