“Sim, mai hasoru malu ho PM, mai hato'o relatóriu oituan ba nia, tanba bainhira ha'u ba Vietnam, nia autoriza ha'u ba hasoru malu ho prezidente AFF, nomós Prezidente sira husi nasaun ASEAN ninia, atu ba ko'alia oituan progresu, liliu ba área futebol ninia iha Ázia hanusa mak ba Futuru, e ohin ha'u informa ba nia, kona-ba progresu sira ne'e, e la'o di'ak tebetebes”, dehan Ministru Francisco Martins, iha Rezidénsia Ofisiál PM, Farol, segunda (30/05).
Iha ne’e aprezenta mós ba PM Taur kona-ba asina akordu ne’ebé Prezidente Asosiasaun sira husi nasaun ASEAN, hodi fó oportunidade ba jogadór sira hala’o treinamentu (training camp) iha Quatar.
“Ha'u mós asina akordu, atu nune'e ita-nia jogadór sira bele iha oportunidade ba treinu( training camp) iha Qatar, e sira bá kedas, e oras ne'e sira iha Qatar, e ohin sira sai husi Qatar mai Kambodia hodi halo jogu amigavel, nune'e mós sira jogu amigavel ho Qatar no Nepal, ita impata 2 a 2, e ida ne'e mak rezultadu ne'ebé mak ha'u ba AFF, liliu iha Vietnam hasoru sira iha ne'ebá hodi diskute hodi ko'alia preparasaun ba futuru hanusa mak Timor-Leste mós bele iha progresu iha área futebol liliu ba infraestrutura sira ne'ebé mak oras ne'e, ita seidauk iha di'ak, nune'e ita sei halo preparasaun liután”, afirma nia.
Entretantu iha ámbitu sorumutu ne'e mós hetan orientasaun husi Primeiru Ministru, Taur Matan Ruak hodi kontinua servisu ho di’ak iha futuru.
“Sim, iha mós orientasaun husi PM ne'ebé mak nia orienta ha'u atu kontinua halo serbisu, no hala'o servisu hotu ho didi’ak”, haktuir nia. (*)