Tempotimor (Baukau)‐Ministériu Edukasaun Juventude no Desportu (MEJD) halo mudansa ba orariu ezame periodu dahuluk anu letivu-2022 iha Munísipiu Baukau.

 Diretór Servisu Edukasaun Munísipiu Baukau, Augosto Ornai Ximenes, hatete, lolós realiza iha loron 18 fulan-abril, maibé elesaun Prezidénsial segundu volta, ne’ebé realiza iha loron 19 fulan-abril, nune'e MEDJ halo alterasaun muda ba loron 25 to'o 29 fulan-abril tinan 2022.

"Ezame primeiru periodu altera ba 25 até dia 29," dehan Augosto iha kna'ar fatin vila nova, tersa (05/04).

Matéria ezame ba kada eskola kuaze preparadu ona no hein atu implementa tuir oráriu, ne’ebé aprova husi MEJD.

Nune’e, husu ba estudante hotu iha Munísipiu Baukau hakmatek iha uma hodi estuda ka prepara aan ba ezame.

Tanba, politika MEJD nian dadaun, atu desidi valor estudante pasa ka lae ba kontinua estudu iha universidade, sei haree mós husi valor iha ezame periodu dahuluk.

"La'os ezame nasionál mak hakas aan estuda para pasa, maibé hahú husi klase 1 ne'e estuda ona, sé hakarak asesu ba universidade hahú estuda kedas agora, tanba agora atu asesu universidade públiku, bolsu hakbit, bolsu parsial, atu asesu ba rejime espesiál veteran, hotu-hotu haree ona valór, valór di'ak o ba, valór ladi'ak o hela," nia enkoraja

Tuir planu, hafoin remata ezame, mestri sira sei kontinua halo koreksaun ba kada matérial no prensementu valores estudante ba kaderneta iha loron 30 fulan-abril to'o loron 07 fulan-maiu tinan-2022.

MEJD halo ona multipikasaun no lansamentu distribuisaun ba kaderneta orijinál, maibé unidade avaliasaun dezenvolvimentu kurikulár seidauk transporta ba Munísipiu Baukau.

"Provizóriumente kaderneta ba sekundáriu jerál, tekníku vokasionál no ensiñu báziku mak reprezenta simu ona simbolikamente, maibé seidauk transporta mai signifika iha ona sentru de impresaun," nia argumenta

Kaderneta ba Munísipiu Baukau tinan-2022, estudante ensiñu sekundáriu jerál hamutuk 3.000 resin, tekníku vokasionál 300-resin, ensiñu báziku husi primeiru anu to'o nonu anu, pur-volta rihun 30. (*)

Tempotimor (Baukau)‐Veteranu na’in 264 iha Munisípiu Baukau presiza tebes atu hetan tratamentu, tanba balun sofre moras struck hader mós la di’ak, maibé laiha Ambulansia atu halo transferensia ba Ospitál Nasionál Guidu Valadares (HNGV-sigla portugés) Dili no iha Ospitál Referal Eduardo Ximenes (HoREX-sigla portugés) Baukau.

Tempotimor (Dili)-Portavoz Ekipa Susesu Lere Anan Timur (LAT) Segredu Supreza Dili, Vergilo F. Ximenes deklara, fó apoiu ba Kandidatu Prezidente Repúblika, Francisco Guterres ‘Lú Olo’, iha eleisaun segunda volta.

Tempotimor (Dili)-Prezidente Konsellu Imprensa Interinu (KI), Expédito Diaz Ximenes, minimiza Jornalista timoroan sira katak seidauk intende didi’ak kona-ba definisaun entre informasaun no notísia.

Tempotimor (Dili)-Governu liuhusi Konsellu Ministru (KM) delibera atu autoriza Ministru Finansas(MF), Rui Augusto Gomes hodi negosia ho Banku Mundiál(BM) kona-ba kondisaun espesífika sira ba empréstimu hodi finansiamentu projetu fornesimentu bee-moos ba sidade Dili.

Tempotimor (Dili)-Timor-Leste Press Union (TLPU) defende jornalista Timoroan sira hodi ‘sisi’ osan liña frente ba Governu liliu Ministériu Finansas atubele esklarese kona-ba prosesu pagamentu ba jornalista sira ne’ebé to’o agora seidauk hetan.

Tempotimor (Dili)-Ministériu Asuntu Parlamentares Komunikasaun Sosial (MAPKOMS) liuhusi Dirésaun Nasional Promosaun Dezenvolvimentu Média Lokál (DNPDML) fó formasaun ba Radiu Komunidade no Mídia Privadu sira durante loron rua.

Tempotimor (Baukau)-Durante tinan rua ba kotuk (2020-2021), Fundasaun Uma Paz (FUP) Baukau, rejistu estudante minoridade vítima ba kazu violensia seksual no violensia domestika iha Munísipiu Baukau ho pursentu 75.

Tempotimor (Dili)-Kandidatu Prezidente Repúblika (PR), José Ramos Horta, krítika programa Governu nian tanba, lakonsege kria seguru kompaña (Insurance Company) atubele garante bainhira mosu dezastre ruma hasoru kompaña.

Tempotimor (Dili)-Konsellu Imprensa ho Programa Nasaun Unidas ba Dezenvolvimentu (UNDP) lansa mídia Buss daruak ba eleisaun prezidensiál egundu volta.