“Jornalista sira tenke halo diferensia saida mak informasaun no nótisia. Tanba dala barak jornalista sira seidauk entende ho definisaun husi informasaun no nótisia”, deklara Expédito Diaz Ximenes hafoin sai Oradór iha Formasaun Utilizasaun Software no Live Report iha Ótel JL Villa, Fatuhada, kuarta (06/04).

Ba informasaun ne'e, la liuhusi prosesu ruma entaun ema hothotu bele halo maibé diferénsia ho nótisia ne’ebé liuhusi prosesu no servisu ekipa no bazeia ba informasaun ne'ebé kredivel no faktu.

Tanba not’isia ne’e rasik iha ninia prosesu ne’ebé liuhusi redasaun no editór sira mak foin bele públika no atividade ne’e jornalista sira mak bele halo.

Nune'e, husu jornalista sira atu halo diferensia ba informasaun no nótisia atu ba oin bele públiku informasaun ne'ebé lalais, faktu no kredivel no garantia kualidade jornalista liuliu etika jornalizmu nian.

(*).