“Projetu ne’e ho objetivu atu aumenta área kobertura ba servisu abastesimentu bee-moos no hadi’a kapasidade institusionál Bee Timor-Leste, empreza públika (BTL.EP) nian”, dehan Ministru Prezidénsia Konsellu Ministru Interinu, Rui Augusto Gomes, iha Palásiu Governu, kuarta (06/04).

Projetu ne’e ho valór totál dolar amerikanu millaun 123,37, iha ne’ebé $120,76 mai husi empréstimu ne’e rasik.

Projetu ne’e ho durasaun tinan 7, hahú husi tinan 2023 to’o 2029 no sei benefisia ba ema na’in 82.300 husi munisípiu Dili nian. (*)