“Sim, problema mina sa’e maka’as ne'e problema mundiál, la'ós de'it iha Timor-Leste mak enfrenta, tanba ida ne’e ohin mós ami diskute iha Konsellu Ministru, kona-ba folin mina sa’e maka’as ne'e, no Ministru Koordenadór Asuntu Ekonómiku halo kordenasaun ho servisu sira hodi buka mekanizmu”, dehan Ministru Finansas, Rui Gomes, hanesan mós Ministru Prezidensia Konsellu Ministru Interinu iha Palásiu Governu, kuarta (06/04).
Iha diskusaun ne'e ministériu relevante sira sei akumula hodi hamenus todan ida ne'e atu labele afeta demais ba ema ho mobilidade, sasán ho ema iha Dili no mós iha Munisípiu sira hotu.
"Tanba infrasaun folin mina sa'e maka'as, situasun ida ne'e sei afeta presu oioin de'it”, afirma nia.
Poblema husi revolusaun nesesidade báziku nia folin sa'e tanba kauza husi fenómenu mundiál, nune'e distribuisaun ne'e hetan persuazaun husi akontesimentu iha mundu inklui funu Ukránia ho Rúsia, ne'ebé implika mós mai Timor-Leste. (*)
