Login to your account

Username *
Password *
Remember Me

UNDP ho KI Lansa Mídia Buss Daruak ba Eleisaun Segunda Volta

Ekipa Konsellu Imprensa ho Programa Nasaun Unidas ba Dezenvolvimentu (UNDP) no reprezentante Embaixada Japaun hasai foto hamutuk ho Jornalista sira. Ekipa Konsellu Imprensa ho Programa Nasaun Unidas ba Dezenvolvimentu (UNDP) no reprezentante Embaixada Japaun hasai foto hamutuk ho Jornalista sira. Foto Tempo Timor

Tempotimor (Dili)-Konsellu Imprensa ho Programa Nasaun Unidas ba Dezenvolvimentu (UNDP) lansa mídia Buss daruak ba eleisaun prezidensiál egundu volta.

Diretór Ezekutivu Konselllu Imprensa, Rigoberto Monterio hatete, lansamentu ne’ebé halo atu fasilita jornalista sira hodi akompaña kampaña husi kandidatu sira.

“Durante loron haat, Jornalista sira husi 23 mídia lokál sei akompaña prosesu eleisaun prezidensiál ba segunda volta, tuir kampaña kandidatura liuhusi mídia buss eleisaun nian, hodi oferese informasaun iha primerra mão ne'ebé mak loos no komprovativu husi loron antes ba loron eleisaun segunda volta ne'ebé mak sei akontese iha 19 de Abril”, dehan Rigoberto Monterio, iha salaun KI, Kintal Boot, kuarta (06/04).

Mídia Buss ka mídia tour ida ne'e ba daruak tanba antes ne'e atividade realiza ona iha loron eleisaun primeiru volta iha loron 19 marsu atu fasilitate kanál mídia sira halo kobertura ba kampaña polítika kandidatu prezidensiál no loron eleisaun.

“Mídia buss ida ne'e ba daruak, antes nia ita hala'o ona iha loron votasaun iha 19 marsu. Atividade ne'e hala'o atu ajuda fasilita jornalista sira hodi halo kobertura ba atividade kampanha polítika kandidatu sira nian no loron votasaun. Jornalista sira mai husi kanál mídia hamutuk 21”, esplika nia.

Ba jornalista husi mídia sira sei halo kobertura no sei públika notísia iha ida-idak nia mídia, nune'e públiku bele asesu ba informasaun sira kona-ba kampaña polítika.

UNDP Officer-in-Charge, Lazima Onta Bhatta hatete, Mídia Buss, nu'udar inisiativa ida-ne'ebé mak implementa husi KI no the Programa Nasoens Unidas ba Dezenvolvimentu (UNDP) ho fundu ne'ebé suporta husi Governu Japaun, fahe partisipante jornalista sira ba grupu rua ne’ebé kada grupu sei tuir kampaña prezidensiál husi entre kandidatura sira, durante sira-nia vizita bazela ba kalendáriu kampaña prezidensiál.

“UNDP konsiente papél importante husi lala'ok servisu mídia nian liuhusi fahe informasaun ne'ebé mak tuir duni evidénsia no imparsiál ba sidadaun sira hodi kontribui liután informasaun ba sira ne'ebé mak foti desizaun”, dehan nia.

Tanba ne'e, UNDP husu, Eleisaun mídia Buss sira, esforsu hodi fasilita servisu Jornalista sira-nian hodi komunika ho justu no efetivu iha momentu importante ba Timor-Leste, iha ne'ebé votante sira uza sira-nia direitu hodi ezerse ba eleisaun prezidensiál iha segunda volta.

Embaixada Japaun iha Timor-Leste, Kazuma Yamada hatete, ba atividade ne’e hanesan maneira di'ak liu hodi garantia reportajem bazia ba faktu husi fonte informasaun ne'ebé kredivel.

Tanba papel Jornalista nian iha eleisaun ne'ebé mak relasiona ho reportajen, sira ba li'ur hodi haree no rona direta saida mak hatete husi kandidatura sira, ka oinsá prosesu lala'ok vota nian iha estasaun votu.

“Ida ne'e la fasíl hanesan ita rona tanba fatin sira ne'e dala barak susar atu asesu husi trasnporte públiku, ha'u espera mídia Buss ne'ebé mak opera husi konsellu imprensa ho nia asisténsia husi Governu Japaun non UNDP, sei kontribui hodi fó solusaun iha ikus mai”, afirma nia.

Ba atividade ne'e, garantia eleisaun ne'ebé informadu, reforsa meiu komunikasaun husi mídia hodi fornese komunikasaun eleisaun ne'ebé efetividade, inovativu no ema nia konsiente ba COVID-19, ida ne'e parte husi projetu COVID-Resilient Elections in Timor-Leste, ne'ebé hetan suporta finansiál husi Governu Japaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter