Tempotimor (Dili)-Kompaña SACOM TL konklui ona projetu instalasaun ba Vibra Optika Cable ne'ebé dada husi Indonézia mai Batugade, Munisípiu Bobonaru, nune’e sei garante liña internet iha Timor-Leste ho kualidade.

Tempotimor (Dili)-Prezidente Repúblika (PR), José Ramos Horta hahú implementa ona programa kombate no redúz má-nutrisaun kada semana iha Palásiu Prezidénsia Repúblika.

Tempotimor (Dili)-Ajénsia TIC TIMOR, I.P liu hosi Diresaun Identidade Úniku (IDU) organiza reuniaun hodi atualiza progresu implementasaun programa Identidade Úniku (IDU) ba membru Komisaun Teknikal Eventual (KTE). 

Tempotimor (Dili)-Primeiru Ministru (PM), Taur Matan Ruak, sei auzénsia servisu ho motivu lisensa anuál durante loron 22 nia laran, ne’ebé sei hahú iha loron 19 fulan-dezembru tinan 2022 to’o loron 09 fulan-janeiru tinan 2023 no sei hala’o fali servisu hanesan baibain iha loron 10 fulan-janeiru tinan 2023.

Tempotimor (Dili)-Prezidente Repúblika (PR), José Ramos-Horta promulga ona salariu désimu terseiru ka gaji-13 ba fulan-dezembru tinan 2022, ne’ebé aprezenta husi governu.

Tempotimor (Baukau)-Sekretária Estadu Kooperativa (SEKOOP) ezekuta orsamentu ba implementasaun programa Cesta Bázika atinji ona pursentu 93.

Tempotimor (Dili)-Prezidente Repúblika (PR), José Ramos Horta promulga ona diploma Orsamentu Jerál Estadu (OJE) ba tinan 2023 ho montante billaun US$2-resin husi total orsamentu billaun US$3-resin ne'ebe antes ne’e aprezenta husi Parlamentu Nasionál (PN).

Tempotimor (Dili)-Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, desidi sei hala'o diálogu ho mídia privadu sira iha semana oin hodi deskute no rona progressu ho dezafiu iha ámbitu kobertura.

Tempotimor (Ainaru)-Sekretária Estadu Kooperativa (SEKOOP) liuhusi Diresaun Nasional Edukasaun Formasaun no Informasaun (DNEFI) kontinua apoiu formasaun ba membru kooperativa sira iha Munisípiu.

Tempotimor (Dili)-Tribunal Rekursu (TR) fo notifikasaun ba Parlamentu Nasionál, tanba kriasaun artigu ba alokasaun fundu veteranu biliaun US$1 iha proposta lei Orsamentu Jerál Estadu (OJE) tinan 2023 ne’e la bazea ba Konstituisaun Repúblika Demokrátika Timor-Leste (KRDTL) ka inkonstitusionál.

Nune’e, Parlamentu Nasionál deside sei kumpre desizaun Tribunal Rekursu nian, ne'ebé deklara inkonstitusionalidade ba kriasaun Fundu Kombantente Libertasaun Nasionál iha Proposta Orsamentu Jerál Estadu tinan 2023.

"Ha'u simu ona notifikasaun no desizaun Tribunál ne'e vinkula tenke obedese sei laiha buat ida hadi'a", dehan Prezidente Parlamentu Nasionál, Aniceto Longuinhos Guterres Lopes iha uma fukun, kuarta (14/12).

Tuir notifikasaun husi Rribunal Rekursu katak, fundu veteranu biliaun US$1 ne'e vinkula jerál, nune’e parlamentu tenke kumpre regra, tanba konstituisaun mak obriga.

Tanba ne'e, parlamentu mantein proposta OJE 2023, maibé sei hasai artigu ba kriasaun fundu veteranu no osan mos sei tranfere fali ba kofre estadu, tanba tribunal deklara ona inkonstitusionál signifika artigu ne'e lavale ona.

Maibé, kompeténsia ne'e kabe ba Prezidente Repúblika, José Ramos Horta, tanba kestiona de'it mak fundu veteranu no antes orsamentu aprova mós xefe estadu hatama ona rekerimentu ba halo fiskalizasaun preventiva.

Tanba ne'e, parlamentu sei hein xefe estadu atu deside veta no promulga ba alokasaun fundu veteranu iha OJE 2023 tuir prazu konstituisaun RDTL.

Ante ne’e, iha loron 17 fulan-novembru tinan 2022, Parlamentu Nasionál (PN) liuhosi reuniaun plenária, aprova proposta lei númeru 46/V(5a) Orsamentu Jerál Estadu (OJE) tinan 2023 ho montante biliaun US$3,16 iha finál globál ho votu a-favór 42, kontra 21 no abstensaun rua (2).

Proposta OJE 2023 ho montante biliaun $3,16 ne’e kompostu hosi orsamentu administrasaun sentrál biliaun US$2,8 (montante ne'e inklui ona Fundu Kombatente Libertasaun Nasionál, biliaun $1), orsamentu seguransa sosiál millaun US$235,7 no RAEOA millaun US$120. (*)