"Programa ne'e halo parte ba programa ne'ebé buka tulun oituan kosok-oan, labarik sira, inan sira, lorloron fo han ba atus-tolu, ema na’in 150 iha dader no 150 iha lokraik, loron lima", dehan Horta hafoin loke abertura ba programa nútrisaun iha Kantina Matak, Palásiu Prezidensial, kinta (15/12).

Programa nutrisaun maka, fo etu, modo, na’an manu, inklui ikan ba labarik sira, tanba ida-ne’e hanesan meiu atu kontribui no ajuda sira nia nutrisaun.

"La'os ne'e de'it, ha'u espera embaixada ruma nasoens unidas, seitór privadu nasionál ho internasionál sira sei haree no bele hetan inspirasaun, sira dehan, ita mos bele halo, entaun sira bele loke ida iha Bebora, iha Tasi-Tolu ka iha Aileu, iha ne'ebé, liliu Aldeia ruma iha foho ke sub-nutrisaun pior liután", nia afirma.

Tanba, programa ne'e sai hanesan efeitu multiplikadór atu fo ba ema seluk bele halo ho sira-nia rekursu rasik, buat ida simples atu lorloron labarik sira bele mai han pelumenus loron lima.

Orsamentu ne'ebe finansia ba programa ida-ne'e, dadaun utliza hela orsamentu husi prezidénsia nian no laiha orsamentu husi fatin seluk.

Nune'e, xefe estadu mós promete sei kontaktu ho seitór privadu karik iha posibilidade sir abele fo apoiu ba programa refere.

"Dalaruma prazu hahan nian besik remata, eh liu tiha ona sira labele fa’an, entaun antes prazu remata, loron-rua ka tolu ne'e sira fo, iha rai seluk halo nune'e, maibé iha ne'e, felizmente prazu liu tiha mós sira fa’an nafatin", nia afirma.

Xefe estadu konsidera programa envolve na’an manu (ayam pontong) ne'ebe importa husi indonezia mos hola parte hotu iha hadi'ak nutrisaun. (*)