PM Taur Lisensa Anuál sei Tama Hikas Servisu iha 10 Janeiru 2023

By Tempo Timor December 15, 2022 1019

font size decrease font size increase font size
Print
Email

Primeiru Ministru (PM), Taur Matan Ruak. Foto Suplay

Tempotimor (Dili)-Primeiru Ministru (PM), Taur Matan Ruak, sei auzénsia servisu ho motivu lisensa anuál durante loron 22 nia laran, ne’ebé sei hahú iha loron 19 fulan-dezembru tinan 2022 to’o loron 09 fulan-janeiru tinan 2023 no sei hala’o fali servisu hanesan baibain iha loron 10 fulan-janeiru tinan 2023.

Tanba, feriadu anuál ne’e, bazea ba termu alinea a), artigu 10 husi Lei númeru 7/2007, loron 25 fulan-jullu.

Tuir nota, ne’ebé www.tempotimor.com asesu iha loron kinta (15/12) katak, durante auzénsia, Vice-Primeira Ministra no Ministra Solidariedade Sosial no Inkluzaun, Armanda Berta dos Santos mak sei subtitui nu’udar Primeira Ministra interina, bazea ba artigu 6, númeru 4 Dekretu-Lei númeru 14/2018, loron 17 fulan-agostu, ne’ebé altera ona ba Dekretu-Lei númeru 27/2020, loron 19 fulan-juñu kona-ba orgánika husi oitavu (VIII) governu konstitusionál.

Dokumentu feriadu anual ne’e, hasai iha loron 14 fulan-dezembru tinan 2022, ne’ebé ho númeru referensia 2245/GPM/XII/2022, Primeiru Ministru informa ba Prezidente Parlamentu Nasionál (PPN), Aniceto Longuinhos Lopez Guterres.

Karta ho númeru referensia 2246/GPM/XII/2022 informa ba Prezidente Repúblika (PR), José Ramos Horta no karta ho númeru referensia 2247/GPM/XII/2022 ba Prezidente Tribunal Rekursu (PTR), Deolindo dos Santos. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com