Maibé, ba asesór sira sei simu de’it salariu désimu triseiru ho montante US$1.000 mai kraik, la’os simu kompletu hanesan saláriu normal.
"Désimu tereiru mês mós ha'u promulga tiha ona, asesór sira mós simu, maibé só másimu hanesan ho vensimentu diretór jerál nian, sé asesór manan US$5.000 dolár, la simu US$5.000 dolar eh simu US$1.000 itál ou menus tán", dehan Horta iha palasiu Prezidensiál Bairo Pite, kinta (15/12).
Maske, Xefe Estadu rasik antes ne'e lakohi atu fo salariu désimu terseiru ba asesor sira no prefere hakarak atribui de’it ba povu kbiit la’ek no sira ne'ebé hetan redimentu menus husi US$500, maibé konsulta ona ho partidu sira, inklui mos lider nasioná Kay Rala Xanana Gusmão, atu atribui mós ba asesor sira.
Tanba, atribuisaun vensimentu ba asesor sira, dala ruma balun sálariu la to'o rihun US$5.000, tanba balun simu de'it US$400 dolar, balun fali US$700 dolar no sira ne'ebé manan US$4.000 to'o $5.000 ne'e sura la to'o ema na’in-100.
Alende ne’e, Prezidente Repúblika mós konkorda ho atrubuisaun sálariu désimu terseiru ba funsionáriu hothotu hanesan uluk implementa ona.
Enkuntu ko'alia kona-bá ajuda ba ema kbi'it la'ek sira, la'os foin agora, maibé dezde tinan 2020, ne’ebé hahú husi situasaun pandemia Covid-19 to’o funu entre Ukraina ho Rusia afeita folin nesesidade bázika ne’e, estadu sempre fó ajuda.
"To'o agora sempre buka ajuda, maibé depois folin sasan karun, entaun buka ajuda ki'ak sira ho menus de US$500 dolar, eh tinan lubuk ida nia laran ona sempre fo désimu terseiru mês, la'os buat ida foun", nia afirma. (*)
