“Husu atu governu apoia seitór privadu nasionál la’ós, tanba partidu polítiku, maibé independentemente apoiu seitór privadu, tanba sira-nia direitu duni", dehan Horta liuhusi nia diskursu ba kongressu Câmara de Comércio e Industria Timor Leste (CCI-TL) ba dala-IV, iha otél Novo Turismu, Lecidere, Kinta (17/11).

Governu nu’udar orgaun ezekutivu tenke hatudu matenek no responsabilidade ba podér, mobiliza hotu-hotu atu halo entrepreneur boot ida ba seitór privadu hotu, liliu presiza diálogu ida di’ak entre governu ho seitór privadu hotu.

Tanba, dadaun seitór privadu nasionál mak sai hanesan dalan prioritáriu ajuda ekonómia Timor-Leste nian, nune’e tenke iha tratamentu independente ba seitor privadu sira hodi la’o ba oin ho kreatividade no korázen. (*)