Sekretariu Estadu Protesaun Sivil (SEPS), Joaquim Gusmão hateten, alin feto ida ho tinan 10 mota lori iha aldeia Tulaoli, suku Dilor, Postu-administrativu Lakluta, Munisipiu Vikeke no la konsege salva.
"Iha ne'e hakarak mos atu relata katak, iha Vikeke ita ho tristi tanba alin feto ida ho tinan 10 ne'ebé mak mota lori iha aldeia Tulaoli, suku Dilor, postu-administrativu Lakluta. Mate isin ita hetan fali ona, entrega ona ba familia", Joaquim Gusmão informa liu-husi konferensia imprensa iha knaar fatin salaun edifisiu SEPS Kaikoli, Kinta (07/01).
Nia afirma, mate isin ne'e hetan fali ona no entrega ona ba familia hodi hala'o prosesu funerál.
Tanba ne’e, governante ne’e apela ba populasaun iha terrtitoriu tomak, atu kuidadu oan sira no bainhira iha tempu udan tuur hakmatek iha uma. (*)