“Konsellu Ministru delibera ona hodi autoriza prosedimentu aprovizionamentu nian, liuhusi konkursu públiku internasionál no realizasaun despeza ba obra públika sira kona-ba reabilitasaun estrada sira, iha munisípiu haat”, dehan Ministru Prezidénsia Konsellu Ministru, Fidelis Leite Magalhães iha Palásiu Governu, kuarta (14/09).
Projetu reabilitasaun estrada ne’e kompostu husi estrada munisípiu Manatuto ba postu administrative Laklo ho valór globál $8.315.330,44, enkuantu estrada husi munisípiu Aileu (Becluru) ba Likidoe ho valór globál $25.154.925,51.
Aleinde ne’e mós estrada husi Alas ba Wedeberek (munisípiu Manufahi) ho valór globál $23.232.296,32, estrada urbana Maliana pakote I ho valór globál $16.314.392,06, no estrada urbana Maliana pakote II, estrada prinsipál ho valór globál $23.587.019,36.
Nune'e mós aprova prosedimentu ba reabilitasaun, seksaun husi Laga ba Baguia pakote IV ne’ebé hanesan estrada munisipál sira no sesaun husi Kelikai ba Ossu pakote III hanesan estrada munisipál sira. (*)
