Tuir projetu ne’ebé aprezenta husi Ministru Obras Públikas, Abel Pires, delibera ona hodi aprova prosedimentu aprovizionamentu nian ba reabilitasaun estrada husi Munisípiu sira, Laklo – Laklo Vila, Lote 1: sesaun Manatutu Laklo, (ICB/086/MOP-2022) ho valór estimadu hamutuk dolar amerikanu millaun 6,5.
Konsellu Ministru (KM) mós aprova Projetu rezolusaun Governu nian, ne’ebé aprezenta husi Ministru Agrikultura no Peskas, ne’ebé aprova Polítika Nasionál Oseanu Timor-Leste nian, kuarta (12/04/22).
Ministru Fidélis esplika, objetivu jerál husi Polítika Nasionál Oseanu Timor-Leste nian atu fornese diresaun estratéjiku ida-ne’ebé klaru ba organizasaun relevante sira hotu iha matéria ida-ne’e.
Nune’e hodi kontribui ho forma ida-ne’ebé integrada hodi aborda kestaun sira ne’ebé realasiona ho oseanu no hodi halo planeamentu no jestaun ba futuru utilizasaun husi oseanu sira hodi fó benefísiu ba jerasaun sira agora no ba futuru, kontribui mós ba dezenvolvimentu no kreximentu ne’ebé sustentavel ba ekonomia azúl no Objetivu Dezenvolvimentu Sustentavel nian. (*)
