“Agora dadauk ne'e ita iha faze finál, ita iha problema oituan tanba sertidaun deliberasaun Konsellu Ministru ne'e tuir loloos ne'e Ministériu PCM produz ne'e tuir loloos tenke mensiona kompaña nia naran mensiona Montante infelizmente ida-ne'e iha erru oituan entaun ita tenke hadi’a”, dehan Minístru ba Jornalista sira iha Palásiu Governu, kuarta (15/10).
Ho erru ne'ebé mak mosu iha Ministériu Prezidénsia Konsellu Ministru (MPKM), tanba kria sertidaun deliberasaun sei iha erru oituan nune'e MOP konfirma ona ho PCM sei hadi’a iha tempu badak hodi haruka ba Tribunál Kontas.
“Ohin ha'u koordena ho Minístru ohin (05/10) ou aban (06/10) ita simu e dokumentu ne'e ita simu ona ita lori ona ba Kámara de Kontas se kámara Kontas ne'e másimu ne'e fulan ida”, dehan nia.
Maibé Ministru iha esperansa boot katak, fulan-outubro nia laran sei halo konstrusaun ba estrada diresaun Laga ba Baguia ne'ebé iha ona finalidade.
“Tanba ne'e, buat hothotu la'o di'ak dentru de fulan-outubru ne'e ita hetan vistu ona, mais ne'e ha'u mak fiar de'it mais ne'e kompeténsia ita-nia Tribunál de Rekursu kámara de Koñtas ita hein ida-ne'e”, informa nia.
Antes ne'e Ministériu liuhusi Komisaun Nasionál Aprivizionamentu publika iha kuadru avizu katak, kompaña manán na'in mak Norinco International Cooperation Ltd (Xina) ho osan montante $ 21.695.194.98 ba reabilitasaun Estrada Diresaun Laga ba Baguia. Ho rehabilitasaun Estrada Diresaun ba Munisípiu Pakote númeru 4 Laga-Baguia Sta 0+000 to'o Sta 38+030 Munisípiu Baukau.
Liuhusi Publikasaun ba kompaña manán na'in ne'ebé mak CNA publika mak iha reklamasaun ruma bele ba aprezenta durante loron lima hahú husi loron publikasaun. (*)
