“Ohin loron prinsipál Kooperativa nian tanba hakarak kria kondisaun di'ak liután ba ita-nia funsionáriu tomak iha Ministériu ne'e liuhusi kria kantina ba sira, depois mós sei halo mós programa fó kréditu ita hatene katak iha li'ur ne'e família balun kuandu foti kréditu ne'e fulan ida bele seluk funan pursentu 25 no boot tebetebes tanba ne'e mak hakarka halo lakon ida-ne'e”, dehan nia ba jornalista sira iha nia kna’ar fatin Kaikoli, segunda (12/09).

Tanba ne'e, mak Ministériu Obras Públikas loke koperativa ida ho naran WEMOF atu nune'e kuandu funsionáriu hakarak halo Kráditu bele ba de'it iha Kooperativa ne'ebé estabelese ona iha MOP.

Iha-ne’e la'ós prepara de'it kréditu ba sira maibé kria kantina ida ne'ebé kria hodi oferese hahán báziku ba funsionáriu sira ne'ebé sai ona membru Kooperativa WEMOF hodi oferese hahán ba sira.

“Iha mós prepara hahán báziku ba sira fós mina no buat sira ne'ebé báziku ba sira kuandu sira presiza Kooperativa prontu fó apoiu”, dehan nia.

Tanba konsidera sai membru Kooperativa bele sai seguransa ba funsionáriu sira tanba iha tempu ne'ebé presiza bele ajuda ona sira.

“Ba oin Kooperativa ne'e sai boot hamosu programa kréditu ba motorizada ba sira no ita-nia mehi tanba loron ida ita hakarak kria Bairu ba sira hanesan halo uma ba funsionáriu sira ne'e mehi boot”, afirma nia.

Alende ne'e loke oportunidade ba públiku ba sira atu sai membru tanba estatutu Kooperativa WEMOF autoriza atu ema seluk bele sai membru ba Kooperativa refere. (*)