Tuir informasaun ne’ebé www.tempotimor.com, asesu iha pájina MJ, domingu (08/08) katak, Ministru Justisa, Tiago Amaral Sarmento reuniaun ho Diretór Tasi Mane husi Timor GAP, Francisco Ferreira, atualiza ba Ministru Justisa kona-ba progresu ba levantamentu terrenu ka rai iha Beasu Vikeké, ne'ebé hahú iha fulan-Juñu liuba.

Iha aprezentasaun ba progresu ne’ebé atinje ona pursentu ruanolu-resin-lima (25%), maibé tanba udan nune'e Timor GAP retira hikas ekipa husi Beasu.

Nune'e, ekipa Timor GAP mai filafali hasoru Ministru Justisa hodi halo koordensaun atu oinsá bele kontinua prosesu levantamentu ba terrenu iha Beasu, Vikeké.

Ministru Justisa (MJ), Tiago Amaral husu ba Empreza Estatal Timor GAP atu submete pedidu eskrita ba Ministru Justisa atubele halo despaixa ba Diresaun Jerál Terras e Propriedades no Servisu Cadastrus Ministèriu Justisa ho ekipa Timor GAP hodi bele kontinua e finaliza prosesu levantamentu ne'ebé tuir planu bele remata iha semana rua nia laran. (*)