"Kona-ba dezastre karreta sira-nian ne'e prosesu la'o, ema ne'ebé poringnoránsia, porneglejénsia tanba ninia beik halo estadu ninia sasán at ne'e, ha'u nu'udar komandante konsidera ne'e krime, la'ós indisiplina prosesu kriminál mak nia e ha'u dehan, ema ne'ebé estraga Estadu nia sasán bele sai, tanba estadu nia sasán no Governu mós hanesan ne'e, labele ba militar de'it”, deklara Lere iha Palasiu Prezidensiál Bairopite, kuarta (06/10).

Hanesan ezemplu Governu ne'ebé husik povu ninia hahan tonelada iha armajen la bele husik liu de'it maibé tenke husu responsabilidade ba ema ne'ebé estraga hahan tanba ne'e krime sabotazen.

“Se mak estraga Estadu nia sasán ha'u konsidera hanesan krime, estraga karreta ida tanba de’it o lanu, tanba de’it o nia hahalok at, o estraga karreta ida ne'ebé folin 30-40 mill ida ne'e ita atu tolera de'it labele tolera”, hatete nia.

Tanba ne'e, karreta ne'ebé membru F-FDTL uza hodi hetan asidente iha área Ainaro, Likisá, Bekora, prosesu sei la'o hela. (*)