F-FDTL Preparadu Destaka iha Fronteira Terrestre

Ministru Defeza (MD), Filomino da Paixão de Jesus. Ministru Defeza (MD), Filomino da Paixão de Jesus. Foto Suplay

Tempotimor (Dili)-Ministru Defeza (MD), Filomino da Paixão de Jesus deklara, Falintil-Forsa Fefeza Timor-Leste (F-FDTL) preparadu atu destaka iha fronteira terrestre entre Timor-Leste (TL) ho Repúblika Indonézia (RI).

"Tuir ha'u. Ha'u hatete ona, militar mak preparadu liu hela iha fronteira, tanba militar tuir kursu kompletu. Kursu de Soldadu, kursu Sarjentu, kursu de Alfares, kursu Kapitaun, Kursu Maijor, kursu Tenente Koronel, to'o kursu jenerál. Militar iha kursu ne'e hotu", deklara Filomino da Paixão de Jesus, iha Ai-tarak Laran, kuarta (01/09).

Tanba ne'e, intermus lideransa (leadership) membru Falintil-FDTL sira preparadu atubele destaka iha fatin ne'ebé presiza.

Ba asuntu ne'e, Primeiru Ministru (PM), Taur Matan Ruak, ne'ebé hanesan mós Ministru Interior (MI) fó ona orientasaun ba MD, komandu F-FDTL, hamutuk ho Komandu Polísia Nasionál Timor-Leste (PNTL) hodi hamosu konseitu ida oinsá mak bele monta membru F-FDTL iha fronteira.

"Señor Primeiru Ministru (Taur Matan Ruak) fó ona orden ami, oras nee ami tuur hela ho polísia halo hela konseitu para depois atu hasa'e ba konsellu ministru para halo nusa mak atu koloka forsas iha fronteira. Purtantu, ita sei iha kombinasaun ida entre forsa ho polísia para tau iha ne'ebá (fronteira)", dehan nia.

Bainhira mak atu destaka membru Falintil-FDTL iha fronteira terrestre, parte rua halo hela esforsu másimu posivel hodi bele dezeña konseitu ida di'ak, molok halo destakamentu.

"Sira iha ne'ebá iha ona, dispozitivu ami halo foun, depois koloka tan para, e ita sei halo mós pedidu ba iha ministeriu finansas, kona-ba postus, infra estrutura barak mak ministériu finansa nian, Alfandega la uza até agora, ami sei halo pedidu para forsa bele okupa hotu", afirma nia.

Maibé, kona-ba osan hahán (ransu) ba forsa sira iha liña fronteira, sei sufisiente hela, tanba osan hahán ba membru ida kada fulan simu US$300.

"Durante ne'e iha US$10, purtantu forsas ida iha US$300 ba hán de'it", esplika nia. (*)

Rate this item
(3 votes)
Last modified on Wednesday, 01 September 2021 15:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter