"Kona-ba kadates foun, ami sei dependente iha produsaun de fardas. Tanba farda, foin mak ohin embarka mai timor-leste. Iha ne'ebá, iha Java mós iha difikuldade, liliu iha Solo, iha fábrika mak sira taka, tanba ne'e mak atrazu oitoan. Mas ohin, embarka ona. Farda sira ne'e mós ohin tama ona iha ró", dehan Ministru Filomino iha Ministériu Finansas, Ai-tarak Laran, kuarta (01/09).
Ba totál uniforma membru foun F-FDTL sira ne'e, ho kuantidade hamutuk 300, hodi kompleta tan farda 300 ne'ebé dadaun ministériu prepara hela, nune'e bele kompleta to'o númeru membru 600 ne'ebé rekrutadu.
"Totál uniforme, ohin pakota, mai kompletu. Kuantidade, purtantu 300 iha tiha ona, 300 mai tan ne'e atu komesa ona ba iha 600 membru ne'ebé foun. Farda sira ne'e ba foun, e sira kuandu prontu ona, sira hatais mós iha hotu ona. Purtantu, ho ida ne'e mak sei determina bainhira mak atu halo rekrutamentu", hatete nia. (*)