"Em primeiru lugar, ha'u lori ha'u-nia naran, misaun nia naran hato'o, sentido pesar, sentidu lutu, sentidu tristeza ba Instituisaun no ba Família matebian, ba insidente ne'ebé akontese horisehik (24/08) ne'ebé kauza feto maluk ida lakon vida”, hatete Lere, iha Kuartel Jenerál, Fatuhada, kuarta(25/08).
Iha asidete ne’e, ho karreta Hilux Ford kór mutin ho xapa Matríkula 26.517, iha membru F-FDTL na’in-lima kanek todan no Julia ne’ebé hakotu iis.
Hanesan mós ninia kamarada sira seluk, balun kanek todan, balun kanek kma’an, hanoin katak ida ne'e prosesu ida ne'ebé sei investiga kauza asidente ninia, no ida ne'e tama ona ilijensia kondutor ninia ou karreta mak kondisaun la di'ak sei hatene tuir.
"Maibé matebian, konforme komandu informa mai ha'u dehan katak kalan ida hamutuk ho nia Família,depois kalan ida hamutuk ho komponente ne'ebé nia pertense, e ikus lori ba hakoi iha jardim semitério militar iha Metinaro”, dehan nia
Ba menbru sira ne'ebé kanek, ekipa saúde militár evakua kedas no fó tratamentu maibé depois oinsá sira sei lori mai Dili.
Maske asidente ne'e kauza membru F-FDTL ida mate no nia maluk balun kanek todan maibé tour FALINTIL ba dame sei kontinua halo operasaun nafatin, tanba operasaun hothotu sempre iha nia risku, maibé risku hirak ne'e nunka enterompe operasaun sira.
Entretantu iha estatutu militár ninia iha mós nia regulamentu no sira sei la'o tuir regulamentu hirak ne'e katak Institutuisaun F-FDTL sei tau matan ba matebian nia mate. (*)
