Login to your account

Username *
Password *
Remember Me

PNTL Kaptura Timoroan Na’in-Haat Deskonfia Fila Husi Indonézia

Sidadaun timoroan na’in-4 ne'ebe UPF kaptura iha área fronteira, Suku Odomau, Postu Administrativu Maliana, Munisípiu Bobonaro. Sidadaun timoroan na’in-4 ne'ebe UPF kaptura iha área fronteira, Suku Odomau, Postu Administrativu Maliana, Munisípiu Bobonaro. Foto Suplay

Tempotimor (Díli)-Komandante Unidade Patrullamentu Fronteira (UPF), Superintendente Euclides Belo hateten, membru PNTL kaptura tan sidadaun timoroan na’in-4 iha área fronteira, Suku Odomau, Postu Administrativu Maliana, Munisípiu Bobonaro ne’ebé deskonfia tama husi Atambua-Indonézia.

“Atu informa de’it horikalan (24/08) ita halo operasaun koordenada ne’ebé mak halo husi PNTL Munisípiu Bobonaro, UPF, servisu Sekreta sira iha área Bobonaro, liliu iha Maliana, aguarda tan sidadaun na’in-4, ne’ebé deskonfia sira fila husi Indonézia”, esplika komandante UPF, Euclides Belo, iha Sentru Formasaun Polísia, Komoro, kuarta (25/08).

Daudaun ne’e sidadaun Timoroan na’in-4 iha hela prosesu identifikasaun no sei entrega ba parte saúde Bobonaro nian hodi evita propagasaun moras Covid-19.

“Alende na’in-haat ne’e, horikalan iha postu Alto Lebos mós simu sidadaun ida husi Maliana ne’ebé entrega-an ba ita-nia membru PNTL no F-FDTL no daudaun submete ona ba kuarantena tanba deskufia nia mós fila husi Indonézia”, dehan nia.

Husu nafatin ba komunidade sira iha liña fronteira atu informa ba parte seguransa karik deskunfia timoroan balu ne’ebé fila husi nasaun viziñu Indonézia hodi kumpri protokolu saúde nian.

“Ami nafatin informa ba komunidade sira liliu sidadaun sira iha liña fronteira katak timoroan sira ne’ebé mak hakat ba nasaun viziñu fila mai labele subar”, afirma nia.

Sidadaun ne’ebé komete iregularidade hodi kontra lei tenke kumpri uluk lai protokolu saúde nian hafoin mak hatan ba prosesu tuir mai. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter