Komemorasaun Loron FALINTIL, PR Lú Olo La Partisipa no PM Taur Selebra iha Kelikai

FALINTIL sira hasa'e Bandeira iha selebrasaun loron FATILIN 20 de Agusto momentu balu liuba. loron FALINTIL sira hasa'e Bandeira iha selebrasaun loron FATILIN 20 de Agusto momentu balu liuba. loron Foto Suplay

Tempotimor (Dili)-Prezidente Repúblika (PR), Francisco Guterres ‘Lú Olo’, aujensia (la partisipa) serimónia komemorasaun loron Forsa Libertasaun Nasional Timor-Leste (FALINTIL) (20 Agusto 1975-20 Agusto 2021) ba dala-46 ne'ebé hala'o iha Kuartel Jenerál, Fatuhada, sesta (20/08).

Maibé Primeiru Minstru (PM), Taur Matan Ruak, tuir planu sei selebra loron FATILINL, hamutuk ho povu no veteranu sira iha postu Administrativu Kelikai, Munisípiu Baukau.

Tuir observasaun www.tempotimor.com katak, serimónia komemorasaun refere, Prezidente Parlamentu Nasionál (PN), Aniceto Longunhos Guterres Lopes, sei hala'o diskursu hodi fó mensajen ne’ebé lahanesan ho tinan sira uluk Prezidente Repúblika, Lú Olo mak fó mensajen.

Antes ne'e, Xefe Casa Sivíl Prezidente Repúblika, Francisco Maria Vasconselho deklara, Prezidente Repúblika (PR), Francisco Guterres ‘Lú Olo’, adia nia vizita ba Munisípiu Manufahi no Ainaro tanba dadauk ho kondisaun moras.

“Prezidente la mai tanba médiku sira rekomenda Prezidente la bele sai lai maibé Prezidente la kansela viajen ne'e, Prezidente adia viajen ne'e”, dehan nia iha Universidade Instituto Baoventura de Timor-Leste iha Luak, Manufahi, segunda (16/08).

Prezidente Repúblika la bele realiza viajen tuir orariu ne’ebé define ona, sei kontinua atu halo dialogu ho sidadaun sira iha Manufahi ho Ainaro iha tempu seluk.

Enkuantu tuir ajenda, Primeiru Ministru (PM), Taur Matan Ruak sei partisipa serimónia komemorasaun loron FALINTIL ba dala-46 iha Postu Administrativu Kelikai, Munisípiu Baukau. Nune’e mós Líder Nasionál Kay Rala Xanana Gusmão sei partisipa iha Aldeia Auhún Suku Bekora, maizumenus tuku 14:00, oras Timor-Leste. (*)

Rate this item
(0 votes)
Last modified on Friday, 20 August 2021 10:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter