“Ita kaptura tan sidadaun ho naran inisiál MdL nia orijen husi Flores kaben ho timoroan ida husi Ainaro, no nia profisaun hanesan profesór kontratadu iha eskola pre sekundária privada ida iha Munisípiu Ainaro”, dehan Komandante UPF, Superintendente Euclides Belo, liuhusi karta komunikadu ne'ebé www.tempotomor.com asesu, sesta (20/08).
Hafoin kaptura, membru UPF sira halo kedas prosesu identifikasaun no entrega ona ba ekipa saúde Covid-19 hodi kumpri kuarentena durante loron 14 hafoin sei kontinua halo investigasaun hodi prosesa tuir lei.
Atividade operasaun ne’ebé halo sura husi loron (18 to’o 19 fulan-Agostu) ne'e, UPF Kompaña Bravo Covalima servisu koletivu kaptura ona timoroan hamutuk ema na'in-23 ne’ebé kompostu husi na’in-21 halo transaksaun Ilegál no na'in-2 seluk membru GAM ne’ebé kontra regra Estadu Emerjénsia hodi tama ilegál iha teritóriu nasionál. (*)
