Identifikasaun PNTL nian ne'e, liuhusi atividade sensibilizasaun ne'ebé halo husi departamentu Polísia Komunitaria (Polkom) ba komunidade sira iha Munisípiu Dili, liuliu iha fatin públiku sira hanesan merkadu.

Xefe departamentu Polísia Komunitáriu, Superintendente Polisia, Antonio da Luz hatete,, sensibilizasaun ne'e hala'o, bazeia ba diretiva operasaun husi komandu jerál PNTL, ba departamentu polisial nian hothotu iha atu kontinua hala'o atividade prevensaun ninian.

Ho diretiva operasaun ne'e rasik, mak departamentu Polkom ho Munisípiu Dili hala'o atividade sensibilizasaun iha fatin públiku sira, iha supermerkadu nomós iha merkadu tranzisional sira hodi bele esplika nafatin kona-ba regra husi MS no OMS nian ba prevensaun surtu covid-19.

"Ohin, ami halo sensibilizasaun hamutuk ho Polcom Munisípiu Dili, detete katak iha balu komunidade la uza máskra, maibé ami mós prepara kedan ba sira ne’ebé la uza, ami fahe, e sira utiliza ho máskra ho nune’e mantein nafatin regra ne'ebé mak iha", dehan António da Luz, segunda (26/04).

Husu mós ba komunidade sira atubele mantein uza máskra fase liman ho sabaun, kumpri nafatin regra ne'ebé fó sai husi MS no OMS ba komunidade sira.

"Tanba ne'e mak ohin ha'u esplika ba sira, e sira mós komprende, sira ida-idak fila ba nia fatin, e ba sira ne'ebé mak la uza máska, ami fahe maskra na sira", esplika nia.

Segundu Komandante PNTL Munisípiu Dili, Superintendente Polisia, Euclides da Costa Belo, husu komunidade sira hotu atu koolabora ho governu liuhusi MS hodi komprimenta ba regra ne'ebé saúde sira hasai ona, nune'e bele evita propagasaun surtu covid-19 iha TL.

"Tanba ne'e mak husu ba komunidade sira, labele konsidera katak, ne'e (covid-19) la'ós buatus, iha mundu akontese ema mate barak, husu liuliu iha Dili atu kontribui hodi kombate moras ne'e”, dehan komandante Euclides iha nia kna'ar fatin, Kaikoli.

Entretantu, atividade sosializasaun ne'e, PNTL sei kontinua informa ba komunidade sira hodi bele kumpri.(*)