“Iha kampaña no eleisaun, komandu sempre fó despaxu orientasaun ba komandante munisípiu sira hodi asegura ida iha kampaña ho di’ak, bainhira ema ne’ebé utiliza atributu automatikamente lei mak sei asegura”, dehan Portavoz PNTL, Seperintende Xefe Armando Monteiro iha Komando Jerál PNTL kaikoli, segunda (13/03).
Bainhira sidadaun sira ne’ebé utiliza atributu arte marsiais no rituais PNTL sei aplika lei ba sira hodi prosesu sira tuir investigasaun judisiáriu nian.
Nune’e komandu jerál PNTL mós alerta ona ba komandu unidade no munisípiu sira atu halo patrullamentu la’o ain hodi asegura situasaun iha rai laran liu liu iha fatin risku ba problema Timor tomak.
“Komunidade sira atu fó konfiansa ba PNTL liu liu iha loron atu tama ba kampaña ida ne’e, ko’alia ba sira atu tau sira nia aan e labele viola kontra regras ne’ebé vigora iha ita nian rain ida ne’e”, nia rekomenda
Dadaun Komandu Jerál haruka ona despaixu ba komandu munisípiu 14 no mos komandante unidade sira atu koloka membru PNTL sira iha STAE (Sekretariadu Tekniku Administrasaun Eleitorál) hodi asegura materiál sira inklui asegura situasaun iha rai laran.
“Ohin loron 13 tuir orientasaun ne’ebé husi komandu operasaun katak sira iha tereñu sei to’o di’ak 13 de juñu tinan ne’e iha fatin STAE nian, tanba sasán koloka iha ne’ebá ne’e entaun PNTL komesa asegura ona iha ne’ebá”, afirma nia. (*)
