PNTL Aviza Públiku hakmatek iha fatin

Joventude sira dada espanduk iha besik Sala Izolamentu Vera Cruz, Dili, Segunda (12/4) Joventude sira dada espanduk iha besik Sala Izolamentu Vera Cruz, Dili, Segunda (12/4) Foto Tempo Timor

Tempotimor (Dili) - Komandu Polísia Nasional Timor-Leste (PNTL) husu ba públiku tomak liuliu joven sira atu tuur hakmatek iha ida-idak nia fatin hodi hala’o servisu.

Portavóz Komandu jerál PNTL, Superintendente Polísia, Arnaldo de Araújo hatete, komandu jerál PNTL husu ba komunidade tomak atu servisu hamutuk ho seguransa hodi kria estabilidade iha rai laran.

"Husu ba juventude sira atu hakmatek no kalma iha ida-idak nia fatin. Situasaun agora dadauk ne'e husik ita-nia na'i ulun sira mak rezolve", hateten Portavóz Arnaldo iha komunikadu ne'ebé www.tempotimor.com asesu tersa (13/04).

Haree ba situasaun real iha Timor-Leste tomak, liuliu kapitál Dili ne'ebé enfrenta hela situasaun kalamidade husi rezolusaun governu nian iha númeru 32/2021, loron 9 fulan-abril nomós iha situasaun Covid-19.

Maibé, husu ba komunidade sira atu kontinua kumpri regra distansiamentu sosial no fizika hodi prevene aan husi transmisaun surtu covid-19 iha TL.

"Haree ba situasaun agora dadauk ita iha hela situasaun kalamidade no covid-19. Husu ita hotu atu kumpri nafatin distansiamentu sosiál ka halibur no uza máskra”, afirma nia.(*)

Rate this item
(0 votes)
Last modified on Tuesday, 13 April 2021 15:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter