Lere La Aseita Vise-Ministru Interiór Ezonera Komandante Faustino

Xefe Estadu Maiór Jerál F-FDTL, Majór Jenerál Lere Anan Timur Xefe Estadu Maiór Jerál F-FDTL, Majór Jenerál Lere Anan Timur Foto Midia PR

Tempotimor (Dili) - Xefe Estadu Maiór Jerál F-FDTL, Majór Jenerál Lere Anan Timur, la konkorda Vise-Ministru Interior ezonera Komandante Jerál PNTL, Komisáriu Faustino da Costa.

Xefe Estadu ne'e fó ezemplu kompeténsia Ministru Interiór, Ministru Interior ne'e Primeiru Ministru maka akumula pasta Ministériu Interior ninia vise, vise laiha kompeténsia atu halo ezonerasaun.

"Mas ha'u dehan possa, ha'u dehan Faustino Joven ida, nia mandatu 2023 mak hotu, ita joven ne'e ezonera atu tau sé, mas se husu hau na'in karik ha'u la aseita, ha'u la aseita atu ezonera nia, bele sala anaunser ke traisaun, falta lealdade ba estadu, ba governu, ne'e traisaun mais imkompeténsia ne'e ha'u bele dehan be sira mos imkompeténsia ne'e, sira foin mai kaer ne'e nusá mak sira-ne'e kompetensia ona", dehan Jenerál Lere iha Palásiu Prezidensiál Bairru-Pité, kuarta (13/1).

Xefi Estadu ne'e informa, Veteranu sira mos katuas ona, sira hakarak deskansa, fó oportunidade ba joven sira atu ukun, atu komanda

"Maibe sé ezonera Faustino, sé tebes duni, ne'e ha'u seidauk rona, se imi rona husi sé, imi mak hatene, ha'u seidauk rona atu ezonera ka la ezonera mas se husu ha'u karik, ha'u la aseita atu ezonera nia bele sala anaunser ke traisaun, falta lealdade ba estadu, ba governu ne'e traisaun", nia afirma.

Lere informa, Ba duni sai ema ne'e fásil hela tanba kestaun lagosta malu.

"Aban, ha'u la gosta hau duni sai, mas transforma ema sai líder didi'ak ne'e defísil, nia timor-oan, se nia estranjeiru ida karik ba, ba ona, ó hau lakoi haree ó nia oin iha Timor mas possa Faustino Timor, timoroan, líder joven, komandante joven be ó atu duni sai tiha sé mak diak liu nia, sé mak di'ak liu nia, veteranu la ba ida, ita katuas ona, ha'u mak ida-ne'e, Falur mak ida nee, Maubuti katuas, Aluc katuas, Mau Nana katuas hotu,"tenik Lere.

"Be husik sira, husik sira mak kaer, sira la di'ak aperta sira, joven hanesan ita-nia oan, ida-ne'e mak dehan líider ne'e, mas agora sira dehan imkompetente ne'e sira mos imkompetente, ó lalika, be hateke ba ó nia-aan pois hateke ba ema seluk, ó hanoin ó mai ukun tinan ida ka la to'o tinan ida-ne'e ó kompetente ona ka? La iha, primeiru esperiénsia, o bele iha S3, S4 mós teória jerál ne'e teória jerál, teória konkreta aplika ba Timor ne'e defísil", Xefe Estadu ne'e haktuir.

Xefe Estadu ne'e akresenta liután katak, Faustino mak komandante ida ne'ebé di'ak, sira servisu hamutuk, ema joven ne'ebé ke hakraik-aan.

"Ha'u mós iha defeitu Falur dehan defetus, ami hotu-hotu iha defetus, iha mundu ne'e se mak laiha defetus, sala, husi sala ne'e mak ita la'o ba oin, hanesan uluk funu karik estratéjia hosi funu na'in sira ne'e dehan hanesan ne'e ita lakon mak manán funu mas ita labele dehan ita manán funu hotu, possa ne'e ita dehan katak la normál ida".(*)

Rate this item
(1 Vote)
Last modified on Wednesday, 13 January 2021 14:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks