Jenerál Lere dehan, aviaun husi Indonézia semo mai Timor lori mina litro hira ne'e hatene ona, depois mai ense tiha mina semo roda kuak tán.
"Ne'e bosok ida, ba ha'u nu'udar seguransa ha'u la fiar", dehan Jenerál Lere iha Palásiu Prezidensiál Bairru-Pité, kuarta (13/1).
Nia hateten, relasiona ho kazu ida-ne'e, governu labele taka matan, liuliu Polísia no sira ne'ebé toma konta tenke investiga didi'ak tanba aviaun ne'e lori ho moras covid-19 ida.
"Tenki investiga tanba saida mak mina maran, tanba saida mak roda kuak? la bele husik de'it hanesan ne'e, Timor ne'e Timor, Timor nasaun no sobarania. Ida-ne'e la'ós merkadu ka diskóteka ema naran tama arbiru de'it, ne'e kestaun dignidade, kestaun orgaun soberania ita nian, ne'ebé ha'u husu ba órgaun kompetente tenke linvestiga," dehan Lere
Lere informa, seguransa kona-ba prevensaun Covid- 19 la'ós misaun sira nian maibé defende diretiva konjunta entre komandu 2 inklui mós ba covid-19 ne'e.
"Entaun Ami iha seguransa, postu fronteira ninian liuliu forsa armada ninian posto 3 ka 4 ami sei aumenta tan 2 atu- bele asegura liña fronteira la'ós ita dehan inimigu tama ne'e. Ida korona ne'e informasaun ne'ebé rona katak ilegál ne'e", haktuir Lere
Xefe Estadu Maiór motiva F-FDTL no PNTL atu kumpri misaun ne'e ho di'ak.(*)