Faustino hato’o asuntu ne’e hafoin hala’o enkontru dahuluk ho Prezidente Repúblika iha 2021 hodi aprezenta situasaun operasionál nian.

"Iha 2020 de’it kuaze mill pesoas mak tama ilegal, tantu husi tasi, husi rai maran kuaze ita kaptura fila fali", Faustino hateten ba jornalista sira iha Palásiu Prezidensiál Bairru-Pite, Kinta (7/1).

Komisáriu ne'e dehan, liga dekretu governu ba estadu emerjénsia hirak ne'e, maibé ida estadu emerjénsia ikus ne’e koloka artigu ida kona-ba aplika koimas ne'ebe ki'ik liu mak $30 másimu $250.

"Iha 2020 ita instala postu foun, Postu ida ba postu ida la'ós besik distánsia kuaze kilometrus 20 liu. Postu ida ba poatu ida mos balun kilometrus 29 . Katak, ho distansia ne'e dook no ne'e signifika iha vantajem atu ema tama,"Komisáriu ne’e hateten.

Kestaun rekursu umanu, tanba ne’e Faustino dehan, Komandu reforsa iha ema, la'ós de’it ho komunidade fronteira, maibé envolve mós komunidade espesiál polisia atu nune’e aumenta númeru pesoál postu sira.(*)