“Tanba Prezidente mós aprezenta ideia ida ke ha'u pesoalmente kontente loos, para halo iha zona fronteira buat ida bolu parking industriál. E Governadór husi NTT ne'ebé ema ida dinámiku tebtebes nia hakarak halo fronteira Timor osidental NTT, zona boot ida Buo the free ne'e mós ideia di'ak”, dehan Horta, iha sala VIP Aeroportu Internasionál Komoro, Dili, segunda (25/07).
Maibé ideia hirak ne'e, Xefe Estadu halibur hotu no sei aprezenta (breefing) ba Primeiru Ministru, Taur Matan Ruak ho komisaun inter-ministeriál atu haree oinsá prosesu ba oin.
Ho nune'e Governu rua mak presiza haka’as-an atu oinsá bele hetan konsensu hodi hala'o nia prosesu tomak.
Maske ideia hirak ne'e, Prezidente Repúblika rasik mós ko’alia ona ba povu Suai iha tinan ida-liuba katak Xefe Estadu sei halo esforsu tomak atu transforma ekonómikamente zona fronteira rai hosi suai to'o mota ain.
Maibé sei koordena ho Governu atu hadi’a uluk infraestrutura ne'ebé falta tanba estrada iha motaain mós dadaun ne'e nia kondisaun at-los. (*)