Login to your account

Username *
Password *
Remember Me

PNTL Identifika Problema Haat iha Fronteira ho Indonézia

Portavoz Komandu Jerál Polísia Nasionál Timor Leste (PNTL), Superintende Xefe Armando Monteiro. Portavoz Komandu Jerál Polísia Nasionál Timor Leste (PNTL), Superintende Xefe Armando Monteiro. Foto Suplay

Tempotimor (Dili)-Portavoz Komandu Jerál Polísia Nasionál Timor Leste (PNTL), Superintende Xefe Armando Monteiro hatete, Governu presiza tau atensaun ba problema haat ne’ebé mak dadaun ne’e hasoru iha fronteira hodi minimiza sidadaun la’o ilegál iha fronteira.

“Fronteira ne’e problema ida ne’ebé mak preokupasaun ba ita hotu ninian, ko’alia kona-ba fronteira iha problema haat ne’ebé mak tenke konsidera, primeiru mak jestaun fronteira, segundu ekonómikamente ka kondisaun sidadaun iha fronteira, terseiru autoridade ou insitituisaun relevante ne’ebé mak hala’o nia misaun iha fronteira, no kuartu mak seguransa iha fronteira”, dehan nia liuhusi nia Konferensia Imprensa iha Komandu Jerál PNTL, Kaikoli, kinta (14/07).

Tanba problema haat ne’ebé mak hasoru iha fronteira, Governu presiza tau atensaun másimu liliu ba komunidade sira ne’ebé hela iha parte fronteira atu nune’e labele hamosu tan tranzasaun ilegál hodi hamosu problema seluk iha fronteira liga ho nasaun Indonézia nian, maske dadaun ne’e parte PNTL hala’o ona esforsu.

“Assuntu haat ida ne’e la'o ketak ketak maibé tenke kabe ba malu hodi oinsá bele intensiva koordenasaun no komunikasaun di’ak hodi kontrolu ita-nia sidadaun iha fronteira hodi nune’e bele evita komunidade sira husi ne’ebá tama mai no iha ne’e tama ba”, hatete nia.

Tuir informasaun ne’ebé www.tempotimor.com asesu katak, sidadaun iha fronteira barak hili dalan ilegál hakat ba fronteira hodi buka moris hanesan fa'an sasán no sosa sasán iha Indonézia hodi lori mai Timor Leste ho dalan legál.

Maibé iha komunidade balun ne’ebé mak kontinua halo pasajen ilegál ne’ebé mak halo servisu la’ós ba nesesidade primária nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter