“Projetu husi Dekretu-Lei ida-ne’e sai ona hanesan objetu deliberasaun iha Konsellu Ministrus nian iha loron 25 fulan-maiu tinan 2022, maibé iha alterasaun balun iha faze redasaun finál nian, presiza submete ba deliberasaun foun”, dehan Ministru Prezidénsia Konsellu Ministru, Fidelis Leite Magalhães, iha Palásiu Governu, kuarta (13/07).

Iha reuniaun Konsellu Ministru ne’e mós aprova projetu Dekretu-Lei ne’ebé atu halo alterasaun daruak ba Dekretu-Lei númeru 26/2021, loron 26 fulan-novembru, ne’ebé altera ona husi Dekretu-Lei númeru 12/2022, loron 17 fulan-marsu, kona-ba medida ezesionál no temporária sira vijilánsia sanitária nian hodi hatán ba pandemia moras COVID-19.

Ho alterasaun ne’e, medida ezersionál sira sei prolonga to’o loron 13 fulan-novembru tinan 2022. (*)