“Polísia balun iha Inglaterra kontaktu direta ha’u liuhusi karta eletrónika (e-mail) no whatsapp ba ha’u no polísia ne’e ema di’ak no ema matenek. Husu ha’u-nia apoiu hakalma joven sira iha ne’eba”, dehan Horta hafoin hala'o vizita ba Armajen SAMES iha Kampu Alor, segunda (01/08).

Maske situasaun ne'e akontese tanba iha Grupu ki'ikoan balun iha rai laran halo problema mak lori daet ba rai liur, maibé timoroan maiória 99,9% iha Inglaterra kuaze la halo problema.

Tanba ne'e lamenta ho aktu sira ne'ebé komete husi Grupu ki'ikoan balun hodi hamonu imajen Timor-Leste iha nasaun Reunu Unidu.

“Ne’e halo Timor-Leste nia naran fo’er no aat iha Inglaterra”, hatete nia.

Ba atetude hirak ne'e, nu’udar Xefe Estadu kontinua husu atu joven timoroan sira hotu presiza hatudu nafatin komportamentu di’ak iha rai-li’ur. (*)