"Lei sira ne'ebé iha tiha ona até lei ne'ebé ita boot temi ne'e (lei pensaun vitalisia) tama iha Parlamentu antes ha'u asumi prezidente Parlamentu, eh ohin ha'u hateten ba Primeiru Ministru katak, lei sira ne'ebé tama tiha ona, ami tenke rezolve hotu no sei la kaduka", dehan nia hafoin reuniaun ho Primeiru Ministru, Taur Matan Ruak iha Parlamentu Nasionál, segunda (16/01).

Tanba, povu hotu hein Parlamentu Nasionál atu hasai tiha lei refere hodi labele fo de'it benefisiu ba eis-titulares atu goza direitu Adkiridu.

"Atu aprova ka la aprova kuandu haruka ba Prezidente Repúblika promulga ka veta ne'e depende", nia hatete

Tanba, governu iha inisiativa hatama ona proposta lei ne'ebé Parlamentu Nasionál bele ajusta nia kalendariu iha tempu restu lejislatura.

"Tuir lejislatura normál sei hotu iha loron 14 fulan-setembru ne’e sura ho tempu resesu fulan rua, hanesan sesaun lejislativa karik funsionamentu normal to’o 14 Jullu, entaun presupostu ba kalendáriu Parlamentu Nasionál nian inklui inisiativa husi Parlamentu no governu kona-ba proposta lei sira ne'e bele halo hotu iha tempu badak", nia dehan.

Bainhira iha proposta lei ruma ne'ebé tama tán sei ajusta hotu inklui lei sira ne'ebé antes ne'e rai de'it iha Parlamentu Nasionál. (*)