“Totál hamutuk 1.411 husi 1.411 ne’e feto hamutuk 149 (10,55%)”,  dehan Tenente Koronel Mário liuhusi Konferensia Imprensa iha Kuartel Jeneral F-FDTL, Fatuhada, kuarta (20/07).

Ba aplikante sira ne’ebé mak passa ona naran taka sai ona iha Postu Administrativu sira iha Timor laran tomak.

“Komisaun rekrutamentu tinan 2022 hakarak hato’o ba aplikantes sira ne’ebé mak konkore ba fileira FALINTIL-FDTL nian semana kotuk, iha loron 15 de Jullu komisaun Rekrutamentu ba taka sai ona lista naran aplikantes ne’ebé mak apto ka pasa iha selesaun inklui oráriu ba teste mak hanesan, teste médiku, psikote, entrvista no teste fíziku”, hatete nia.

Kadete sira ne’ebé mak liu ona selesaun dokumentu no kontinua tuir teste kontinuasaun sei aprezenta, kartaun vasin, hatudu mós komportamentu di’ak husi Polísia Nasionál Timor-Leste (PNTL) no dokumentu seluk tan ne’ebé mak antes ne’e hato’o ona iha komisaun Rekrutamentu.

Nune’e aprezentasaun aplikante sira ne’ebé mak aptis iha Kuartel Jenerál husi Munisípiu hotu sei fahe ba grupu rua mak hanesan, grupu primeiru, Dili-Ataúro, Likisá, Ermera Aileu Manatutu, no Baukau.

“Sira sei apresenta iha Kuartel Jenerál Falintil-FDTL iha loron domingu, dia 24 de julho, tuku 3 lokraik, atu nune’e, comissão de recrutamento sei halo konfirmasaun ba alicantes sira ho sira nian dokumentu”, afirma nia.

Segundu grupu husi munisípiu hanesan tuir mai Lautein, Vikeké, Manufahi-Same, Ainaro, Bobonaro, Covalima, Oekussi no, aplikante sira iha lista rezerva 2021 nian, sira sei aprezenta iha kuartel jenerál Fatuhada, Díli, iha loron sesta 5 agostu tuku 3 lokraik”, hatete nia.

Ba aplikantes sira ne’ebé mak atu tuir teste iha Metinaro tuir oráriu ida-idak nian sei aprezenta iha Kuartel Jenerál Fatuhada, iha oras tuku tolu madrugada, no sei transporta husi Kuartel Jenerál ba Metinaru hahú iha tuk-neen dader, no aplikantes sira ne’ebé mak la marka prezensa konsidera eliminadu. (*)