Prezidente Autoridade Rejiaun Administartiva Espesiál Oekusse-Ambeno (RAEOA) no Zona Espesiál Ekonomia Sosial Merkadu ( ZEESM) Arsenio Paixão Bano dehan, maske daudauk ne’e TL rejista kazu pozitivu Covid-19, maibé povu Oekusse la paniku, tanba problema ba sira mak bee-moos.
"Ami tauk ho problema hada'et ne'e, maibé ami la paniku no halo serbisu asegura populasaun Oekusse, tanba ne'e ami la presiza paniku, ami so presiza serbisu par Oekusse sai seguru," dehan Bano hafoin hasoru-malu ho Primeiru Ministru Taur Matan Ruak iha palasiu governu, Sesta (07/08).
Kona-ba atividade eskola iha Oekusse, Bano informa, daudauk ne’e foin reativa atidade iha eskola 10, no tuir planu sei reativa tan eskola 10.
Kona-ba problema bee-moos, nia dehan, nia parte esforsu hela atu resolve.
“Ami informa mos ba Primeiru Ministru katak, Oekusse problema ho bee, maibé autoridade halo esforsu hotu-hotu par bele rezolve uitoan problema bee,” dehan nia.