Login to your account

Username *
Password *
Remember Me

Semana Oin, Prezidente Autóridade RAEOA Sei ba Vizita Ró Haksolok

Ro Haksolok ne'ebe Prezidente Autoridade RAEOA, Arsenio Bano atu ba halo observa direta iha nasaun Portugal. Ro Haksolok ne'ebe Prezidente Autoridade RAEOA, Arsenio Bano atu ba halo observa direta iha nasaun Portugal. Foto Suplay

Tempotimor (Dili)-Prezidente Autóridade Rejiaun Administrasaun Espesiál Oekussi Ambeno (RAEOA), Arsenio Paixão Bano, deside iha semana oin sei hala'o vizita ba Portugál hodi haree direita progresu konstrusaun ró haksolok.

“Sim, ohin ha'u mai hasoru malu ho Primeiru Ministru (PM) no informa katak semana oin ha'u sei ba vizita traballu iha Portugál hasoru haree direita progresu ro haksolok iha ne'ebá”, dehan Arsenio, iha Rezidénsia ofisiál PM, segunda (12/09).

Bainhira haree direita progresu ró haksolok iha Portugál hafoin filafali hodi hato'o relatóriu ba Primeiru Ministru, Taur Matan Ruak.

“Ha'u fiar katak ró ne'e sei mai, tanba preparativu no parte legál ami halo hotu ona, tanba ne'e ha'u hakarak ba haree direita no atu konfirma katak progresu ró haksolok ne'e to’o iha ne'ebé”, informa Bano.

Entretantu ró haksolok ho kustu millaun $ 13,7, inaugura iha loron 26 maiu 2017 iha sidade Figueira da Foz, Portugal no tuir informasaun sei to’o Timor-Leste iha outubru 2017, maibé tanba problema internál husi empreza Atlantic Eagle Ship Building ho sub-kontratór mak to’o agora ró seidauk mai. Ró ne’e rasik iha kapasidade atu tula ema na’in-377 no karreta hamutuk 15. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter