"Antes Natál no tinan foun, RAEOA sei iha ona nia Ró rasik hodi transporta, komunidade husi Dili ba Oekussi, inklui mós ba Ataúru, tanba ita hatene katak transporte marítima agora laiha”, dehan Arsenio, bainhira sorumutu ho Primeiru Ministru, Taur Matan Ruak, iha PalásiuGovernu, sesta (19/11).
Maske dadaun ne'e, Ró hamutuk rua, ho naran Ataúro Express ho Bintang Samudra 8, ne’ebé aluga husi Governu hala’o hela operasaun hodi transporta passajeiru husi Dili ba RAEOA inklui Atáuro, maibé Ró rua ne’e la seguru no la sufsiente bainhira passajeiru sira halo viajen.
Ho nune'e kompaña ida iha Oekussi ho inisiativa hakarak sosa Ró atu transporta passajeiru sira halo movimetu ba mai ho di'ak iha fim do ano ne'e.
Tanba antes ne’e mós Movimentu Estudante Tane Oekussi (METO) hala’o komunikadu imprensa hodi husu ba Governu atu toma atensaun ba problema ne'e, maibé to’o agora seidauk iha solusaun. (*)