UE Hakarak Mantein Kursu Lian Portugues ba Jornalista

Jornalista Timoroan sira iha parade ida iha liuron Dili Jornalista Timoroan sira iha parade ida iha liuron Dili Foto suplai

Tempotimor (Dili)-Uniaun Europeia (UE) hatudu ninia interese no komitementu hodi apoiu kapasitasaun ba jornalista Timor-Leste, liu-liu iha formasaun lian portugues.

Komitementu husi UE ne’e hato’o husi Embaixadór UE iha Timor-Leste Andrew Jacobs bainhira hasoru-malu ho Ministru Asuntu Parlamentar no Komunikasaun Sosial, Francisco Jeronimo.

Embaixadór Andrew hatete, UE mantein ninia programa hodi oferese kursu lian Portugues ba jornalista sira iha Timor-Leste.

Aleinde ne’e, kapasitasaun ne’e, Andrew dehan, EU mós fó hanoin balun ba Ministru Jeronimo atu oinsa bele mantein kooperasaun bilateral entre Timor-Leste ho UE.

"Ami mai hasoru malu ho Ministru foun asuntu parlamentar no komuniksuan hodi fó hanoin balun oinsa mak mantein di’ak liu tan kooperasaun biletarel entre Timor-leste ho union europeia, kona-ba oinsa mak nafatin mantein loke formasaun portugues, apoiu iha area komunikasan nian, liu-liu ba jornalista iha Timor-Leste," dehan Andrew hafoin enkontru iha palasiu governu, Sesta (03/07).

Iha fatin hanesan, ministru Jeronimo apresia no simu ideia husi EU atu mantein formasaun lian purtugues ba jornalista sira.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.