Tuir informasaun ne’ebé www.tempotimor.com asesu iha pájina MAE, kuarta (06/07) katak, Ministru Miguel ho Embaisadór UE, Andrew Jacobs ne'ebé akompaña husi Konseleirru Xefe Kooperasaun, Ramon Reigada, hodi hala’o enkontru ba fim do Mandato Embaixadór, Andrew Jacobs nian iha Timor-Leste.
Iha enkontru despedida ne'e diskute mós kona-ba Preparasaun ba Eleisaun Parlamentar nian ne’ebé mak sei realiza iha tinan oin (2023), nune’e mós prosesu preparasaun sira ba transisaun Munisípiu sira ba Poder Lokál.
Iha assuntu tranzisaun Munisípiu ba Poder Lokál ne’e iha relasaun ho Lei Finansas Munisipál ne’ebé mak hetan ona aprovasaun iha Konsellu Ministru no Lei Poder Lokál ho Lei Eleitorál Munisipál ne’ebé mak promulga ona husi Prezidente da Repúblika iha Tinan 2021.
Embaisadór UE ne’e mós fó hanoin hela kona-ba apoiu UE nia ba Eleisaun Parlamentár liuhusi Missaun Observadór Eleisaun nian atu Ministériu hato’o pedidu iha tempu besik sira hodi nune’e UE bele fasilita Missaun refere to’o iha Timor-Leste hodi halo observasaun durante Eleisaun. (*)