Login to your account

Username *
Password *
Remember Me

CEPAD ho UE Lansa Manuál Sidadaun Suporta Komunidade Nian Asesu ba Informasaun

Emblema UNiaun Euporeia ho CEPAD. Emblema UNiaun Euporeia ho CEPAD. Foto Espesial

Tempotimor (Dili)-Centro de Estudos para a Paz e Desenvolvimento (CEPAD) no Uniaun Europeia (UE) hala’o lansamentu Manuál Sidadaun Asesu ba Informasaun ba dahuluk, hodi fasilita sidadaun sira nia asesu ba informasaun públiku, iha Otél Novo Turismo, Dili.

Tuir komunikadu imprensa ne’ebé www.tempotimor.com asesu iha loron kinta (07/07) katak, Manuál ida-ne’e kria liuhusi finansiamentu Uniaun Europeia ba inisiativa “Asegura Responsabilidade Governu nian ba KOVID-19 no promove Liberdade Asesu ba Informasaun iha Timor-Leste”, projetu tinan rua (2020-2022), implementa husi CEPAD.

Manuálrefere ho objetivu atu fasilita sidadaun sira hodi asesu ba informasaun, ne’ebé rai iha instituisaun estadu nu’udar sira-nian direitu konstitusionál ba informasaun.

Ida-ne’e objetivu prinsipál husi projetu ne’e hodi promove no hakbi’it koñesimentu sidadaun, partikulármente feto sira-nia direitu atu hatene no asesu informasaun, iha ne’ebé relevante hodi suporta sira nian moris liuhusi asesu ba edukasaun ida ho kualidade, fasilidade saúde no rekursus seluk tan.

“Asesu ba informasaun mak forsa xave ba dezenvolvimentu. Ba ne’e, Uniaun Europeia hakarak suporta Governu Timor-Leste liuhusi meius oioin, inklui suporta organizasaun sosiedade sivil, hanesan CEPAD, atu nune’e, sidadaun Timoroan bele iha asesu ba informasaun, la’ós de’it atu hatene sira nian direitu, maibé mos iha kuñesimentu klean nune’e bele foti desizaun sira informadu di’ak liu tan, no monitoriza situasaun ne’ebé afeta ba sira nia moris.”, hatete Embaisadór Uniaun Europeia, Andrew Jacobs.

Eventu lansamentu ne’e marka prezensa husiMinistru Asuntu Parlamentár no Komunikasaun Sosiál, Francisco Martins da Costa Jerónimo no akompaña husi Sekretária Estadu ba Igualdade no Inkluzaun, Maria do Rosário de Fátima Correia, Embaisadór Uniaun Europeia iha Timor-Leste, Andrew Jacobs hamutuk ho Grupu Traballu Nasionál-Liberdade Asesu ba Informasaun, reprezentante sira husi komunidade, Pontu Fokál no Funsionáriu Públiku sira,e ne’ebé mai husi Munisípiu 12 inklui RAEOA, Autoridade Lokál no konvidadu sira seluk mak reprezenta organizasaun sosiedade sivíl no Akademia.

Liuhusi apoiu Uniaun Europeia nian, CEPAD hala’o ona sesaun foku grupu sira utiliza Manuál sidadaun hodi fasilita diskusaun ho komunidade sira iha Postu Administrativu 32 iha Munisípiu 12 inklui RAEOA, ne’ebé partisipa husi komunidade hamutuk 486 (feto 370 no mane 116) iha tinan 2021. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter