Xefe Bankada KHUNTO, Olinda Guterres hatete, kona-ba diskusuan no votasaun ba autorizaun PN ba Xefe Estadu, agora bele vota ona, para aprova no autoriza Xefe Estadu ba Indonézia, tanba KHUNTO lakohi akontese tan situasaun hanesan iha mandatu eis-Prezidente Repúblika, Francisco Guterres ‘Lú Olo’.

“'Ohh ne'e ita vota agora ona, tanba ha'u ema bele ida laiha mós ha'u esperansa tebes katak bele liu. Tanba KHUNTO ne'e la'ós labarik ki'ik bee sira hanorin fali, ha'u-nia na'in-tolu iha ne'e ha'u hatene katak loos hotu ona fó hatene hotu ona tenke vota afavór, basta sira seluk. Ita tenke aprova para ita-nia na'i-ulun ba rai-liur, la ba hanesan uluk ne'e ha'u la gosta ida”, dehan nia iha Plenária Estraordinariu PN, kinta (07/07).

Maibé Bankada Frente Revolusionáriu Timor-Leste no Independente (FRETILIN) deklara prontu retira nia postura husi plenária laran.

Xefe Bankada Frente Revolusionáriu Timor-Leste no Independente (FRETILIN), David Dias Ximenes 'Mandati' hatete, presiza adia ajenda ne'e ba loron seluk tanba dadauk bankada PLP nia ema na'in-rua inklui KHUNTO na'in-ida mós sei iha Bali hela, seidauk halo substituisaun.

“Ha'u retira ha'u-nia postura em nome da Bankada FRETILIN, obrigadu. Ha'u husu mak ida-ne'e e karik ha'u tama kedas ba ida primeiru ne'e mós ha'u sente ba katak ita adia lai para ita haree didi'ak buat sira ne'e”, afirma nia.

Tanba FRETILIN sente katak halo adia ida-ne'e depois deputadu sira ne'e to'o hotu tiha lai mak bele hala'o buat ne'e didi'ak oituan. (*)