Deskuti OJE 2020 : Francisco Ezije Hasa’e Pursentu Ezekusaun

Ministru Asuntu Paralmentár no Komunikasaun Sosiál (MAPKS) Francisco Martins da Costa Pereira Gerónimo hamutuk ho diretór jerál husi diresaun haat nian iha MAPKS inklui Ajensia Notisioza Timor Leste (TATOLI.IP) no Ráriu Televizaun Timor Leste (RTTL.ep Ministru Asuntu Paralmentár no Komunikasaun Sosiál (MAPKS) Francisco Martins da Costa Pereira Gerónimo hamutuk ho diretór jerál husi diresaun haat nian iha MAPKS inklui Ajensia Notisioza Timor Leste (TATOLI.IP) no Ráriu Televizaun Timor Leste (RTTL.ep Foto Tempo Timor

Tempotimor (Dili)-Ministru Asuntu Paralmentár no Komunikasaun Sosiál (MAPKS) Francisco Martins da Costa Pereira Gerónimo hamutuk ho diretór jerál husi diresaun haat nian iha MAPKS inklui Ajensia Notisioza Timor Leste (TATOLI.IP) no Ráriu Televizaun Timor Leste (RTTL.ep) kona-ba planu orsamentál tinan 2020 nian.

Ministru ne’e afirma, ezekusaun iha Dotasaun Orsamentu Temporáriu (DOT) se fó impaktu ba OJE 2021.

“Se ita-nia ezekusaun iha DOT mak la atinji másimu, sei fó impaktu mós ba OJE 2021. Entaun ha’u husu para ezekusaun DOT fulan Jullu tenke hasa’e ba programa sira ne’ebé iha, se programa laiha, tenke halo programa, atu nune’e bele ezekuta osan ne’e para nia atinjimentu ne’e tenki iha, se ita la halo iha fulan Jullu ne’e, maka ultima ita sei hetan ajustamentu balun ne’ebé ita hakarak la bele akontese,” dehan MAPKS Francisco Gerónimo ba jornalista sira iha Palásiu Governu, Sesta (03/07).

Nia hatutan, “Ohin hamutuk ho diretór jeral sira, ami deskute kona-ba Orsamentu Jerál Estadu (OJE) tinan 2020, entaun ha’u hanoin orintasaun mak ne’e, atu ajusta fila fali hahú husi fulan janeiru 2020 to’o fulan dezembru 2020. Durante ne’e saida mak ita gasta ona, ita komtempla nafatin, mais ida ne’ebé seidauk gasta bazeia bá regra sira."

Governante ne’e mós akresenta, iha KM deskute ona kona-ba OJE 2020 nian, maibé hetan feedback balun husi Konsellu Ministru (KM).

“Horibainhira ami deskuti iha KM, ko’alia ona kona-ba orsamentu 2020 nian ne’e, maibé iha mós buat balun ne’ebé sira fo feedback, maibé ha’u hanoin ida ne’e regra jerál. Ita hotu hatene projetu sira ne’ebé bele halo mak projeitu online, fundu infraestrutura la’ós online nian,” Nia afirma.

Ministru ne’e mós aviza ba ekipa sira oinsa atu haree ezekusaun DOT iha fulan Jullu nian.

“Ha’u atu aviza de’it ba diretór jerál sira para atu haree programa bazeia ba orsamentu fulan Jullu nian. Tanba informasaun ne’ebé ha’u simu husi finansas katak, kada fulan iha osan rihun $500, agora ezekusaun ba osan rihun $500 ne’e atinje de’it pursentu 60%. Entaun se bele hasa’e tan tanba ita la’ós atu gasta de’it maibé ita tenki iha programa. tanba durante ne’e pursentu 64% de’it, se bele sa’e ba 70% ka 75%, para labele iha impaktu ba OJE 2021 nian,” ministru ne’e hateten.

Rate this item
(0 votes)
Last modified on Sunday, 05 July 2020 09:19
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.