Tempotimor (Díli)- Governu liuhusi Konsellu Ministrus (KM) deside kontinua mantein konfinamentu domisilláriu jerál ba populasaun iha Postu Administrativu Ermera no Postu Administrativu Railaku, Munisipiu Ermera nian, to'o tuku 23:59, husi loron 25 fulan-agostu.

Ministru Prezidensia Konsellu Ministru, Fidelis Leite Magalhães hatete, postu administrativu seluk aplika de'it serka Sanitária maibé iha postu Administrativu Eremra no Railaku mak aplika Komfinamentu Obrigatóriu Domisialiáriu.

“Konsellu Ministru deside ona iha semana kotuk, sei mantém impozisaun serka sanitária iha Postu Administrativu sira seluk iha Munisíplu Ermera, to'o tuku 23:59 husi loron 26 fulan-agostu nomós mantein konfinamentu domisilláriu jerál ba populasaun husi Postu Administrativu Ermera no Postu Administrativu Railaku, iha Munisípiu Ermera nian, to'o tuku 23:59, husi loron 25 fulan-agostu”, dehan Fidelis iha Palásiu Governu, kurta (18/08).

Nune'e iha suku rua iha Postu Administrativu Pante Makasar no Oesito, Rejlaun Administrativa Espesiál Oekuse Ambeno nafatin aplikasaun Serka Sanitária.

“Mantein impozisaun serka sanitária ita área abranjida sira iha suku Naimeko, iha Postu Administrativu Pante Makasar, no husi Suku Bobometo, iha Postu Administrativu Oesito, postu administrativu rua ne'e iha Rejlaun Administrativa Espesiál Oekuse Ambeno, to’o tuku 23:59 loron 30 fulan-agostu tinan 2021”, informa nia.

Aliende ne’e, serka sanitária iha Munisipiu Dili no Postu Administrativu Ermera no Postu Administrativu Railaku, Munisípiu Ermera nian, kontinua to'o tuku 23:59 loron 30 fulan-agostu tinan 2021.

Nune'e bandu sirkulasaun ema sira-nian entre área ka munisípiu sira ne'ebé temi ona no sirkunskrisaun administrativa sira-seluk, exetu iha kazu hirak ne'ebé ninia fundamentu sira forte tanba razaun seguransa públika, saúde públika, asistensia umanitária, manutensaun ba sistema abastesimentu publiku ka razaun seluk ne'ebé presiza atu hala'o ba interese públiku nian.

Maibé la inklui iha proibisaun sirkulasaun ida-ne'e individuu sira ne'ebé komprova vasinasaun kompleta (doze rua) kontra Covid-19, nomós labarik sira ho idade tinan 6 mai kraik ne'ebé akompaña individuu sira ne'e. (*)

Tempotimor (Díli)-Konsellu Ministru (KM) simu ona despaixu husi Ministru Edukasaun Juventude no Desportu nú 42/G-MEJD/ VIII/ 2021 deside hodi taka eskola sira iha territóriu tomak hahú husi loron 17 to'o loron 31 fulan-agostu tinan 2021.

Tempotimor (Díli)-Governu liuhusi Konsellu Ministrus (KM) aprova ona alterasaun daruak ba Dekretu-Lei nu. 17/2020, loron 30 fulan-abríl, ne’ebé kria suplementu remuneratóriu ba funsionáriu, ajente no traballadór administrasaun públika sira ne’ebé fó atividade profisionál oioin iha servisu prevensaun ka kontrola Covid-19 nian iha kondisaun direta espozisaun ba vírus SARS-CoV-2.

Tempotimor (Díli)-Governu liuhusi Konsellu Ministru (KM) aprova ona dekretu lei kona-ba alterasaun dahuluk kona ba remunerasaun husi Prezidente Autoridades Munisipál (PAM) ne’ebé kada fulan sei simu osan ho montante US$1,600.

Tempotimor (Díli)-Governu liuhusi reuniaun Konsellu Ministru (KM) deside hahú aplika Serka Sanitária (SS) iha Munisípiu Ermera durante semana rua.

Tempotimor (Díli)-Ministru Prezidénsia Konsellu Ministru, Fidelis Leite Magalhães, husu ba mídia sira atu kontribui Governu hodi kombate informasaun hoax (falsu) ne'ebé, tanba ema inrresponsabilidade utiliza simbolu mídia Online www.tempotimor.com ho Rádiu Televizaun Timor-Leste (RTTL,ep) hodi halo públikasaun informasaun falsu iha mídia sosiál.

Tempotimor (Dili)-Governu Timor-Leste (TL) liuhusi Ministériu Finansas (MF) sei halo enkontru ho parseiru dezenvolvimentu Timor-Leste Development Partners Meeting (TLDPM), iha loron 27 fulan-jullu tinan 2021.

Ministru Prezidensia Konsellu Ministru, Fidelis Leite Magalhães esplika, enkontru ne’ebé hala’o durante loron tolu nia laran hahú husi loron 27 fulan-jullu to’o loron 30 fulan-jullu tinan 2021.

“Governu Timor-Leste nian, liuhusi Ministériu Finansas, organiza Sorumutuk ho Parseiru Dezenvolvimentu Timor-Leste nian sira (TLPDM), ne’ebé sei hala’o husi loron 27 to'o 30 fulan-Jullu tinan 2021, iha Ministériu Finansas”, informa Fidelis iha pájina ofisiál Governu Timor-Leste, ne’ebé www.tempotimor.com asesu iha loron segunda (19/07).

Tanba TLDPM mak hanesan konferénsia anuál, Nível aas ida, ne’ebé Governu hala’o sorumutuk ho parseiru dezenvolvimentu nasaun nian sira hotu atu halo reflesaun ida kona-ba objetivu hirak ne’ebé alkansa ona no análize ida kona-ba dezafiu hirak ne’ebé sei hasoru, tuir planu estratéjiku ba futuru nasaun nian. (*)

Tempotimor (Dili)-Governu Timor-Leste (TL) hato’o solidariedade ba vítima inundasaun grave ne’ebé akonsete iha nasaun Alemaña no Béljika, kinta (15//07).

Tempotimor (Díli)-Ministru Prezidénsia Konsellu Ministru, Fidelis Leite Magalhães informa, Prezidente Repúblika (PR), Francisco Guterres ‘Lú Olo’, deside veta dekretu lei foun ba servisu liña frente sira, tanba dekretu lei tuan sei bele utiliza nafatin.

Tempotimor (Díli)-Governu liuhusi Ministru Prezidénsia Konsellu Ministru, Fidélis Leite Magalhães, klatifika proposta Ministériu Finansas atu halo kompensasaun  US$10,000 hanesan forma seguru hodi fó protesaun ba ema.