"Ita mós hahú aplika Serka Sanitária ba Munisípiu Ermera tanba kazu infetadu iha ne'ebá sa'e agora maizoumenus 122”, informa Ministru Prezidénsia Konsellu Ministru, Fidelis Leite Magalhães iha Palásiu Governu, kuarta (28/07).
Nune'e Konsellu Ministru mós kontinua aplika iha Serka Sanitária iha Munisípiu Dili ba semana rua tan.
“Mantein impozisaun Serka Sanitária iha Munisípiu Dili no Ermera entre oras 00:0 husi loron 29 fulan-Jullu to'o oras 23:59 loron 12 fulan-agustu tinan 2021”, dehan nia.
Ho ida ne’e, bandu nafatin sirkulasaun ema sira-nian entre Munisípiu Ermera no Dili no sirkunskrisaun administrativa sira-seluk.
Maibé iha kazu hirak ne'ebé ninia fundamentu forte tanba razaun sira seguransa públiku, saúde públiku, asistensia umanitária, manutensaun sistema abastesimentu públiku ka razaun seluk ne'ebe presiza atu hala'o ba interese públiku nian.
Sidadaun ne'ebé komprova vasinasaun kompleta (doze rua) kontra Covid-19 la inklui iha proibisaun ida-ne'e, nomós labarik ho idade tinan 6 mai kraik ne’ebé akompaña. (*)